Hef ekkert verið í bænum síðan Epic V12 skíðið kom í gáminn. En er sem sagt núna búinn að fara í tvo róðra á V12 skíðinu, sá fyrri var í 8-10 m/s og sá seinni í gær í SV 4-8 m/s.
Þessi skíði henta aðeins þeim sem hafa róið lengi, og eru vanir róðri á sjókayökum.
V12 er umtalsvert hraðara en V10 Sport, en það þarf að hafa miklu meira fyrir stöðugleikanum, fyrsti stöðugleiki er enginn, og seinni stöðugleikinn kemur mjög seint inn, seinna en á hefðbundnum sjókayak, þ.a. low brace hef ég neyðst til að nota mikið. Helsti munurinn að róa skíði, er stuðningur frá hnjám er enginn. Til að "edga" skíðnu eða breyta halla á skíðnu, þá er mjöðmin notuð, meðan við notum hné og mjöðm í sjókayak,
Þegar maður nær smá vegalengd án low brace, þá er líka hraðinn mjög fljóttt kominn í 12 km/klst.
Í fyrsta róðrinum reyndi ég nokkrum sinnum "self rescue" á V12 skíðinu, sem gekk ekkert sérstaklega vel, skíðið er mjög mjótt og valt. Þ.a. það þarf að æfa og æfa self rescue. Í seinni róðrinum, vestan Viðeyjar, var móða komin á sólgleraugun og sviti rann niður í augun (Sólarvörnin að stríða), þ.a. ég stoppaði til að fá sjónina aftur, og augnablik andvaraleysi/blinda varð til þess að karlinn lenti á sundi. Æfingarnar gærdagsins skiluðu sínu, en mikið helv. var þetta mikið vesen, að koma sér á skíðið aftur.
Þ.a. þeir sem ætla sér að róa V12, byrjið á self rescue æfingum, og helst farið tvö/tveir. V10 skíðið er gott að byrja á, en þessi Epic skíði eru frá skemmtileg viðbót við róðrarsportið okkar.,
Umfram allt, setjum öryggið á oddinn og verum klár á að geta komið okkur aftur á skíðið ef menn lenda á sundi
kv
Sveinn Axel.
