Fjórða 3* æfing - fid. 14.9. kl. 18

Takk fyrir góða æfingu -og harðsperrur daginn eftir!
Góður félagsskapur, sem er betra en fjölmenni

Þessi æfing s.l. fid. fór vel fram í Veltuvík.

Mæting var ekki góð, fjórir 3ja störnu nemendur, Indriði, Jón Gunnar, Harpa og Unnur og einnig við Sveinn Axel, Örlygur og Hörður. Nemendur gerðu að sjálfsögðu allt sem stjórnandinn (SAS) sagði þeim að gera, nema að þau voru ekki alveg tilbúin að henda sér með öxlina niður í sjóinn í hástuðningi.

Ætlunin er að fá Guðna Pál til að stjórna næstu æfingu, sem snýst um bjarganir og notkun toglínu. Við ætlum að bíða átekta og hafa þetta á laugardegi en ekki um leið og Bessastaðabikarinn fer fram. Það verður fljótlega ljóst og kynnt hér á Korkinum.

Öryggismál þurfa allir að æfa, nýir sem vanir, þannig að það hentar vel í félagsróðratíma.

Veðurspáin er góð, norðvestan hægur og ekkert að trufla æfingar okkar.

Síðan er málið bara að æfa það sama í verri aðstæðum í vetur

Við höldum áfram að nota fimmtudaga kl. 18 til að hafa næga birtu og mætum um hálftima fyrr.

Efni næsta tíma er hliðarfærslur og stuðningsáratök. Sveinn Axel tekur að sér að leiða æfinguna en ég verð með og vonandi fleiri vanir ræðarar.

Ef einhverjir eru ekki til í að skella sér í hástuðning get ég vaðið út í og aðstoðað við fjöruborð.

Allir eru velkomnir og geta tekið þátt þótt fyrri æfingar hafi fallið úr.