Næturróðrasería

...og það tókst með naumindum að mæta á réttum tíma í hestríðingar - þökk sé Gísla vekjara. En tjaldið varð eftir ásamt dýnu og einhverju dóti. Þetta var sótt í kvöld. Og þar sem ég naut þvílíkrar hrokablíðu á sundunum, tók ég Gnes-hring í leiðinni, og skoðaði í návígi þrjá Norðurljósadalla með túrista norðan Geldinganess. Alltsaman skemmtilegt. Og þar með lauk Næturróðrarseríu með aukanæturróðri. En þessi róður fer ekki í skýrslu hjá ferðanefnd. Heldur ekki þetta með að ég hafi sofið yfir mig í útilegunni. Ekki heldur að ég hafi farið skólaus í hana.
Mér hefur borist ein áskorun um að halda Næturróðrarseríu í mars 2018. Áskorunin kom nú bara frá sjálfum mér og það gildir.
Þessvegna verður næsta framhald 7. mars. sem er Næturróður I og svo tveir góðir í kjölfarið.
Þökk.

Það má bæta nokkru við knappa skýrslu Örlygs næturróðrafrumkvöðuls Kayaklúbbsins.

Sjósett var kl 23 og var nokkur alda úr NV á leiðinni út í Þerney. Við sjósetningu stigu noðurljósin dans bak skyjadreifar og var stjörnubjart, en svo þykknaði yfir og dimmdi var ekki önnur birta á leiðinni en siglingaljós okkar, götulýsing í Grundahverfi og bjarmi á lofti yfir Akranesi. Hægt miðaði þannig að beita þurfti upp í vind til að leiðin lægi að landi í Þerney við SA endann. Aldan var hulin myrkri nema þar sem hún brotnaði í faldinn og það var meira róið eftir tilfinningu en sjón í ríflega metra hárri öldu. Um miðnætti drógum við keipa okkar upp í móa og reistum tjöld í myrkri og stinningskalda og um kl. hálf eitt hittumst við í Everest grunnbúðatjaldi Örlygs og hlýddum þar á bókmenntadagskrá. Frá 01:30 eftir miðnætti fram undir morgun voru sum okkar á "stormvakt", milli þess að velta sér og finna betri líkamsstöðu í svefnpokanum.
Þegar undirritaður gáði til veðurs að morgni, kom á daginn að Örlygur hafði sofið heldur lengi, en hann átti að leiða ferðamenn í reiðtúr fyrir hádegi. Minn maður brá sér hins vegar í gallann, skildi tjaldið eftir, hratt fleyi sínu á flot og röri á methraða undan öldu og vindi að Eiðinu, hvar hann skildi keipinn eftir á víðavangi og brunaði af stað upp í Mosó. Það var minni asi á okkur Perlu og eftir morgunverð stigum við léttan dans í öldunni á heimleið.

Þetta var að sjálfsögðu skemmtilegt og betra en að liggja í leti eða annarri óhollustu, en eitthvað vantar upp á svefn hjá mér og valdi ég mér gott sæti úti í horni í barnaafmæli dagsins þar sem lítið bar á að ég dottaði.

Þökk sé Örsa fyrir lítið ævintýr.

Þrír bátar á sjó, við tókum Þerney í norðangarra, hopperí norðan Geldinganess áleiðis að Þerney. Túrinn tók 50 mínútur, gaman að koma í eyna og tjalda. Og bíða eftir alvöru rokinu. Sem kom um 2 leytið. Mikill hristingur og læti. Svo hægðist á milli 4 og 5.
Þessi röru
Perla
Orsi
Gísli. Unnur hjálpaði við sjósetningu.

Þar með lauk haustseríunni. Þetta urðu 10 mætingar félaga.
Ef fjöldi áskorana kemur, þá verður hægt að setja 8. seríuna af stað eftir áramót. Líka ef það verða fáar áskoranir.

Eftir veku?

Þetta er annaðkvöld góði.

Næturróður I miðv 4. okt. Mæting kl. 21 og teknir 12 km á sundunum.
Næturróður II mið 11. okt. Sama.
Næturróður III fös 13. okt. Mæting kl 22.30 með viðlegubúnað og gist í Engey. (það verður lesið upp úr Moby Dick á kvöldvökunni) Þerney til vara. Norðankarrí í kortunum en þurrt að kalla.



Sjáumst, nefndin.

Gott að einhverjir héldu uppi merkinu! Ég stefni á að vera með eftir viku í útilegunni.

Reyndar spáir yr.no austan kalda og rigningu, en ég er nýbúnn að segja tveim dætrum mínum sem eru fara til Spánar að það sé leiðinlegt að liggja í leti og sólbaði á sundlaugarbökkum fínna hótela - þannig að ég get ekki látið veðrið hafa áhrif

Tveir bátar á sjó. Tókum Skarfaklett og Gullinbrú á bakaleiðinni, heilmikið hopperí á köflum í stinningsgolu eins og við var að búast. Þetta urðu tæpir 13 km en við skráðum 11 km í bókina. Lögum það bara seinna.
Þessi röru:
Unnur
Orsi.

Næturróðrarnir í fullum gangi..

Næturróður I miðv 4. okt. Mæting kl. 21 og teknir 12 km á sundunum.
Næturróður II mið 11. okt. Sama. (Norðangarri og rigning í kortunum)
Næturróður III fös 13. okt. Mæting kl 22.30 með viðlegubúnað og gist í Engey. Þerney til vara.

Það þarf að mæta með orkukubb í vestivasa og róðrarflösku í alla róðrana. Það er bara skylda.

Róðrarljós þurfa vera á hverjum ræðara. .

Sjáumst, nefndin.

Fimm bátar á sjó; tókum Þerneyjarhring með Fjósaklettsviðbót. Gott í sjóinn og notalegt allt saman. Og 11 km á mann fóru í róðrarbókina. Næsti NR er að viku liðinni. (Reyndar er Friðarsúlan tendruð á mánudaginn, spurning hvort náist stemmari í að kíkja á það)
Þessi röru:
Gummi B
Þormar
Unnur
Lárus
Orsi

Ég mæti og stefni á 100% mætingu líkt og í tveimur síðustu seríum.

Verð því miður fjarri góðu gamni í kvöld en stefni ótrauð á næstu viku og þá vel gölluð

Þær góðu fréttir eru að veðrið lítur frábærlega út fyrir Næturróður I.
Það stefnir því í eggsléttan hafflöt og tunglskin. Hvílík byrjun á sjöundu Næturróðrarseríu Kayakklúbbsins.

Nefndin.

Þá er enn ein næturróðrarserían að hefjast nk. miðvikudag. Þetta er sjöunda næturróðrarsería klúbbsins en þetta hefur verið fastur liður frá árinu 2014. Ég ætla ekki að lýsa því hvað mér hlakkar mikið til.

Þessi sería samanstendur af þremur róðrum sem hér segir:

Næturróður I miðv 4. okt. Mæting kl. 21 og teknir 12 km á sundunum.
Næturróður II mið 11. okt. Sama.
Næturróður III fös 13. okt. Mæting kl 22.30 með viðlegubúnað og gist í Engey. Þerney til vara.

Þeir sem hafa verið í 3. stjörnunni hjá Gísla skulu íhuga þessa seríu, enda eru næturróðrar matarmikil innlögn í reynslubankann. Það þarf að mæta með orkukubb í vestivsa og róðrarflösku í alla róðrana. Það er bara skylda.

Róðrarljós þurfa vera á hverjum ræðara. GG er núna með Eco Flare. 2750 kall. Og klúbbfélagar eru með afslátt þarna.

Er þetta ekki bara toppmál?
Sjáumst, nefndin.