Félagsróður ld. 20. janúar

Nokkrar myndir úr róðrinum í dag. Gerist ekki fallegra veðrið.

Þetta varð fallegur vetrarróður eins og sjá mátti fyrir.
Við lögðum ekki í baráttu við ísinn sem nú var vestan við Eiðið og virtist ná hálfa leið að Fjósaklettum.
Þess vegna var róið að Veltuvík, norður Þerneyjarsund, eyjan hringuð og sama leið róin í hlað.

Átta bátar á sjó: GHF, Guðni Páll, Lárus, Gummi Breiðdal, Klara, Sveinn M., Jón Kristinn og Smári.

Það er spáð hægri breytilegri átt og frosti um -8°C . Stutt er þó í meiri vind úti á sundunum.

Það verður ágætt hópverkefni að komast út ef ís er við ströndina og það er alltaf einstakt að fara í fallegan vetrarróður.

Mikilvægt er að hafa hlýja vettlinga og húfu.

Mæting 9:30 að venju.

Kveða - Gísli.