Kæru félagsmenn

Gleðilegt sumar nú er komið að því að félagsróðrar munu hefjast á ný fimmtudaginn 7.maí. Það er þó háð ákveðnum takmörkunum. Þetta fyrirkomulag verður endurskoðar þegar að frekari aflétting samkomubanns er skýr.

Það er von okkar allra að allir sýni þessu skilning og aðstoði okkur að viðhalda þessu eins og best verður á kosið. 

  • Róðrar á þessu tímabili eru eingöngu fyrir vana og þá sem hafa lokið byrjendanámskeiði eða sambærilegri þjálfun.
  • Félagabjarganir eru undir stjórn róðrastjóra og framkvæmdar með 2 metra reglu í huga.
  • Notkun búningsaðstöðu verður óheimil í félagsróðrum.
  • Lánsbátar og árar í boði.
  • Annar lánsbúnaður verður því miður ekki í boði (Vesti,jakkar,buxur húfur og hanskar)
  • Hvatt verður til að tveggja metra nándarreglan verði virt.
  • Hámarks bátafjöldi á palli er 10 bátar.
  • Áfram verði hvatt til sérstaks hreinlætis, handþvottar og notkunar handspritts.
  • Róðrarstjóri mun sjá til þess að opna lyklaskáp og koma lyklum út á bekk.
  • Róðrarstjóri skipar aðstoðarmenn í hverjum róðri sem munu aðstoða við framkvæmd.

 

Róðrarkveðjur Stjórnin