Vörur fyrir viðhald

Þetta er rétt hjá Gumma og SAS, langar bara að bæta smá við.
GelCoat er hannað til þess að taka við næsta lagi, venjulega polyester með glertrefjum. Þess vegna er ysta lag þess, sem "sér" súrefnið, klístrað til langs tíma og hundleiðinlegt að slípa.
Þetta klístraða lag harðnar og bindst styrktarlaginu þegar það tekur sig og minnkar líkur á að það flagni frá.
Þegar vax er bætt út í gelcoatið þá leitar vaxið út á yfirborðið og lokar því gagnvart súrefninu. Þá harðnar gelcoatið undir vaxinu eins og ef það væri upp við mót eða styrktarlagi og verður ekki klístrað eða leiðinlegt meðferðar.
Í venjulegu resini sem maður leggur í motturnar er þetta vax til staðar og því er hægt að búa til top coat með því að blanda saman gelcoat og resini ef maður á ekki vaxið sjálft. Það verður ekki alveg eins fallegt litalega þar sem resinið er blátt eða grænleitt, en virkar og kostar minna þar sem það drýgir gelcoatið sem er mun dýrara en resin.
Varðandi hlutföll á slíkum blöndum hef ég bara farið eins langt með resinið án þess að liturinn láti mikið á sjá.

Kv. Hákon

Ég fékk hvítt Gelcoat viðgerðarefni í Bauhaus, í málningarvörudeildini.
Gelcoat er efni í ýmsum litum sem er lagt í mótin þegar verið er að búa til td. báta, þá er gelcoat sprautað í mótin og látið taka sig aðeins, síðan er lagt yfir það trefjaplast í nokkrum lögum, síðan þegar búið er að ná réttri þykkt af trefjum er allt málað eða sprautað með topcoat.

Kv. Gummi J.

Hér væri við hæfi að fá skýringu á því hvað er gelcoat og hvað er topcoat.

Í Bauhaus má finna bönd og teygjur í dekklínur og dekkteygjur í hillugangi sem virðist vera settur upp fyrir siglingafólk. Þeir eiga hins vegar ekki efni fyrir viðhald á trefjaplasti og þekjulagi (Gel coat) og ekki eiga þeir vatnsheldan (closed cell) svamp til að laga innra byrði báts að ræðara (fitting).
Sömu sögu má segja um Húsasmiðjuna, þeir eru hættir að flytja inn og selja Gel coat og ekki veit ég til að GG-sjósport sé með slíkar vörur.
Nú gæti ég hringt í nokkra félaga sem eru mér fremri um viðhald báta sinna - en það er betra fyrir klúbbfélaga ef það kæmi fram hér á Korkinum hvar hægt er að fá slíkar vörur, efni og búnað. Hugsanlega panta menn þetta beint, en það er þó unnið mikið hér á landi að viðhaldi trefjaplastbáta og annars búnaðar úr trefjaplasti, þannig að innlendir söluaðilar hljóta að vera til.

Hér er krækja á erlenda síðu sem ég rakst á gegnum YouTube fræðslu:
www.westmarine.com/resins-fiberglass