Jamm - þetta kom úr prenti á föstudaginn og fyrsti skammtur fór volgur úr prentvélinni á veiðisýninguna í Smáralind. Fer í póst í dag, mánudag, og þið ættuð því ekki að þurfa að bíða svo lengi við lúguna.
Vil koma bestu þökkum til allra sem sendu inn efni, þetta hefði orðið heldur rýrt án þess.
Við búum svo vel í ritnefndinni að vera með grafískan hönnuð innanbúðar, Sveinbjörgu, en hún og Dagrún (minn betri helmingur) sáu að langmestu leyti um þessa vinnu. Meir að segja auglýsingasöfnun sem fer langt með að dekka prentkostnaðinn. Rúnar stóð sig vel í prófarkarlestri en ég sjálfur var aðallega með óþarfa ábendingar og almennt vesen eins og mér er tamt.
Þeir sem eru ekki búnir að fá eintak í lok vikunnar, en hafa á því áhuga, geta sent rafpóst á kayakklubbur@gmail.com og fengið eitt slíkt um hæl. Fljótlega setjum við líka pdf eintak hér á heimasíðuna.
Takk.
