Síðastliðin helgi var sannkölluð sæluhelgi hjá Ólafi Einarssyni því þá tryggði hann sér hinn eftirsótta Íslandsmeistaratitil í sjókayakróðri með sigri í 10 km keppni á Sæludögum á Suðureyri. Ólafur fékk fullt hús stiga í þeim þremur keppnum sem hann tók þátt í; Reykjavíkurbikar, Bessastaðabikar og 10 km keppninni á Suðureyri. Samkvæmt keppnisreglum klúbbsins gilda þrjár bestu keppnirnar og þar af leiðandi getur enginn annar keppandi ógnað stöðu hans, jafnvel þótt rúsínan í pylsuendanum sé eftir, sjálft Hvammsvíkurmaraþonið. Til hamingju með sigurinn Ólafur. Vel gert!
Eins og sést á stigatöflunni ríkir mikil spennan um næstu sæti - þar er allt galopið.
Stigataflan í heild sinni er hér
Rúnar Pálmason