Ferðadagskrá 2020
Nánari lýsingar á einstaka ferðum verða settar á Korkinn þegar nær dregur hverjum viðburði.
Skýringar á "árum"/erfiðleikastigi ferða er að finna hér.
Nánari lýsingar á einstaka ferðum verða settar á Korkinn þegar nær dregur hverjum viðburði.
Skýringar á "árum"/erfiðleikastigi ferða er að finna hér.
Ég ákvað að hafa þetta formlegt svona allavega í fyrsta riti sem nýr formaður Kayakklúbbsins.
Ný stjórn hefur tekið við keflinu af þeirri gömlu sem stóð sig með sóma. Þökkum við þeim fyrir vel unnin störf.
Það eru mörg ný spennandi verkefni framundan fyrir nýja stjórn og mun ég útlista það frekar þegar stjórn hefur komið saman í fyrsta sinn og raðað niður í stöður og dreift á milli sín verkefnum.
Á síðasta aðalfundi var veitt viðurkenning kayakræðari ársins 2019.
Undanfarin ár hefur þetta verið kayakmaður og kayakkona ársins en nú var breyting sem eldri stjórn tók og ákvað að breyta til með þessari viðurkenningu í staðin.
Í ár hlaut Veiga Grétarsdóttir þessi verðlaun fyrir afrek sitt í sumar.
Veiga bættist þá í fámennan hóp ræðara sem hafa róið umhverfis Ísland á sjókayak.
Ekki var hún bara fyrsta Íslenska konan heldur fór hún einnig á móti straumnum sem ekki hafði verið gert áður og hét verkefnið hennar einmitt Against The Current Iceland.
Veiga er því vel að þessum verðlaunum komin og vil ég fyrir hönd stjórnar óska henni til hamingju með að vera kayakræðari ársins 2019.
Einnig langar mig að þakka fyrir útnefninguna á það traust sem því fylgir.
Það er mikill heiður að vera kosin í þetta hlutverk.
Mörg verk sem bíða og afar spennandi tímar framundan.
Bestu kveðjur
Guðni Páll Viktorsson
Mikill keppnisandi var hjá þátttakendum hálfmaraþonsins 2019 sem hófst rétt uppúr kl 10 þann 21. September.
Aðstæður voru eins og búast má við hér á landi smá austanvindur og frekar hlýtt miðað við að komið er að haustjafndægri. Lensið hjálpaði til við að ná góðum tíma á fyrsta legg að Gróttu en að sama skapi á móti á leggnum frá Gróttu og að Örfirisey.
Sjávarstaða var eins og hún gerist best þ.e. hásjávað og keppnin fór að mestu fram á liggjandanum.
Björgunarfélag Hafnarfjarðar var mætt á staðinn um hálfníuleytið og voru þeir með 8 manns og þrjá hraðskreiða og lipra báta til að gæta keppenda.
Haft var samband við Reykjavíkurhöfn og þeir vissu um ferðir keppenda og sáu til þess að umferð um sundin tók tillit til keppenda. Allavega sást hvalaskoðunarskip taka mikla sveigju til að fara aftur fyrir einn ræðarann.
Keppendur skiptust í tvo hópa og kom fyrri hópurinn á fleygiferð í Gróttu á sirka 40 mínútum og sá seinni á tæpum klukkutíma. Grótta var óárennileg í rauðabítið um morguninn en var byrjuð að slétta aðeins þegar fyrstu menn hálfhringuðu hana og fengu austanáttina í fangið og sauð að keipum alla leiðina að Örfirisey en slétt þaðan og í mark.