Reglur:

Tveir keppendur verða ræstir samtímis í brautinni og hver þáttakandi fær að fara tvær umferðir. Ef þátttaka verður góð munu fjórir efstu menn í hvorum flokki sem hafa besta tímann (betri tíminn af tveimur umferðum) keppa til úrslita. Það þarf að framkvæma allar þrautir en boðið er upp á valþraut í nokkrum reitum. Brautarverðir/dómarar verða á kayak í brautinni til að leiðbeina þátttakendum. Enginn refsitími verður gefinn, keppendur falla út úr umferðinni ef þraut er ekki uppfyllt.

Dæmi um þrautir í tveim styrkleikaflokkum.

Þrautir í úrvalsflokki, valkostur gefinn innan sviga

1. Út og inn úr hólfi flotbryggju
2. Vinstri velta (Snúa bát í einn hring eða tvær hægri veltur)
3. Reitur er róinn þrívegis. (i) Svig áfram, (ii) Svig afturábak, (iii) Róið áfram með árataki á hægri hlið. (í (iii) er val að róa venjulega + snúa bát í tvo hringi)
4. Reitur er róinn tvívegis: (i) Hliðarróður á vinstri hlið, (ii) Hliðarróður á hægri hlið
5. Synda með bát + sjálfbjörgun, mælt með kúrekainnstungu
6. Hægri velta (Snúa bát í einn hring eða tvær vinstri veltur)
7. Róa sitjandi á skut (Snúa bát í tvo hringi)
8. Róið með höndum
9. Fara úr mannopi og upp á skut, snúa búk í heilan hring (Sama færsla en með rass í mannopi + snúa bát í tvo hringi)
10. Snúa bát tvisvar í einn hring: (i) Einungis framáratak, (ii) Einungis bakáratak 1
11. Bátur undir band en búkur yfir band
12. Fara á hvolf og úr bát + innstunga frá bátshlið, Re-entry (Tvær sjálfbjarganir að eigin vali)
13. Róið að endamarki

Þrautir í almennum flokki, valkostur gefinn innan sviga

1. Út og inn úr hólfi flotbryggju
2. Velta, valfrjáls (Snúa bát í einn hring)
3. Svig áfram
4. Hliðarróður á vinstri hlið
5. Hliðarróður á hægri hlið
6. Snúa bát í einn hring
7. Róa sitjandi á skut (Snúa bát í einn hring)
8. Róið með höndum
9. Snúa búk í heilan hring, sitja í mannopi (Snúa bát í þrjá hringi)
10. Engin þraut
11. Bátur undir band en búkur yfir band
12. Sjálfbjörgun, valfrjáls
13. Róið að endamarki