Við minnum á vinnudaginn á morgun kl.10.
Það er fínasta veðurspá fyrir morgundaginn en rigning á sunnudag þannig að við blásum sunnudaginn af. Það væri gott ef einhverjir geta tekið með sér græjur sem gætu nýst við vinnuna s.s. hrífu, skóflu, tröppur, slípirokk, framlengingarsnúru o.þ.h.
Grillað í lokin að venju.

sjáumst hress
nefndin

Nú þegar sumarið bankar upp á er komið að hinum árlega vinnudegi.
Að venju verður lögð áhersla á að ryðhreinsa gámana, grunna þá og mála ásamt tiltekt í aðstöðunni og snyrtingu á nánasta umhverfi.
Grillmeistarinn grillar svo ofan í mannskapinn að vinnutörn lokinni.
Eins og oft hefur verið rætt um er æskilegt að grunnurinn þorni vel áður en málað er, og því ætlum við að reyna í þetta skiptið að láta grunninn þorna í sólarhring og mála á sunnudeginum ef nokkrir aðilar fást í það verk. Í dagskrá klúbbsins í Abler er búið að færa inn Vinnudag 1 og 2. Þætti okkur vænt um að þið sem ætlið að mætið setjið inn "Mæti" við annan vinnudaginn eða jafnvel báða (Undir "Flokkar-Félagsaðild, meðlimir - Dagskrá" í appinu) þannig að við sjáum gróflega mætinguna. Ef við fáum ekki mannskap eða útlit verður fyrir skítaveður á sunnudeginum þá stefnum við á að klára allt saman á laugardeginum.

Vonumst til að sjá sem flesta og munið að margar hendur vinna létt verk.
Nefndin