Ég er með talstöð frá N1/Bílanaust sem ég keypti líklega 2008 og margir okkar fengu sér stöð á þeim árum og síðar þegar verið var að æfa fyrir fjögurraa stjörnu námskeiðin. Ekki gengur alltaf vel að heyra til félaganna þegar kallað er og ég velti fyrir mér hvort huga þurfi að viðhaldi tækjanna.
Ég keypti nýtt loftnet áðan og hendi hinu, bara til að gera tilraun og svo þarf hugsanlega að endurnýja 8 ára gama rafhlöðu.
Gott væri að félagar með talstöð hafi þær í hleðslu nóttina fyrir róður og prófi síðan samskiptin í róðri.
Það er svo annað mál að við notum stöðvarnar mest sem "labbrabb tæki" því að skilyrðin hér á Reykjavíkursvæði virðast ekki vera góð til samskipta við Gæsluna, gsm er betra, en úti á landi við ströndina og á leið Baldurs í Breiðafirði eru skilyrðin víða mjög góð.
Kveðja,
Gísli H F
