Ætla að róa á morgun 20. jan.

Við sáum ekki þennan hval núna.
Róið var Lundey og Viðey rangsælis. Veðrið reyndist vera mjög fínt á meðan við rerum undan vindi eða með ölduna á hlið, fínt surf með köflum undirritaður var kominn með stefni vel í kaf undan einni öldunni og skut í lausu lofti.
Það var svo óttalegt puð að komast á móti austanáttinni til baka, en vindur var 10-15 m/s. Allir voru lúnir og líklega var undirritaður sá lúnasti.
Þetta kemur allt með æfingunni!

Kveðja,
GHF.

Þetta er svakalegt... :ohmy:

Sælir félagar.

Við stefnum á æfingu og smápuð á þrd. 10. mars, mæting kl. 16, á sjó 16:30. Veðurspá er góð.
(Nýliðar eru minntir á félagsróðra á ld. 9:30/10:00)

Kv. GHF.

Eru engar myndir Sveinn? Maður bíður alltaf spenntur eftir þeim

Ég hugsaði til ykkar en var fjarri góðri æfingu þótt ég legði af stað tímanlega frá Akureyri. Vegagerðin stoppaði ferðalanga í Staðarskála fram til kl. 15:30 og reyndar var ég feginn að komast í skálann því að skyggni var oft ekki nóg til að sjá næstu stiku.
Kv. GHF.

Sveinn Axel, Lárus og undirritaður lögðu í hann á auglýstum tíma. Gunnari Inga leist ekki nógu vel á blikuna og missti þar af leiðandi af 13 km í ekta vetrarfíling. Fyrst var hægur nv vindur með éljum og frekar lélegu skyggni en sléttu austan við Geldinganesið. Haldið í austur og í Leirvog og þar voru smá öldur sem stækkuðu ört og voru teknar nokkrar bunur þar og þá var komin stíf austanátt sem blés okkur vestur fyrir Geldinganes þar sem úthafsaldan mætti vindbárunni og má segja að það hafi verið soldið óárennilegt til að byrja með. En eftir að komið var fyrir nesið var allt orðið gott þóað aldan hafi nú verið 2 til 3 metrar. Leggurinn í austur frá endanum var frekar stífur enda bætti stöðug í. Mesta þrekraunin var samt að koma bátunum fyrir á toppi éppana og festa þá þar. Frostið komið í 6° og vindurinn örugglega að nálgast 7 stig. Naglakulið var alla leið heim. kveðja, Ingi<br><br>Post edited by: Ingi, at: 2009/03/03 22:57

Þannig að ég á kannski séns þótt síðar verði .. þar sem maður er fyrrum keppnismaður á skíðum

Þetta byrjaði svo sem ágætlega og endaði líka í spegilsléttu logni. En millikaflinn var stundum á mörkunum getulega séð. Allavega fyrir mig. En það er alltaf róandi að hafa reynda félaga með í ferð svo að maður þarf ekki að hugsa um nema að halda sjálfumsér ofansjávar. En grínlaust var kaflinn frá Lundey að vesturenda Viðeyjar frekar viðsjárverður og mynduðust þar nokkrar öldur sem náðu að brotna og þá var nú betra að hafa augun hjá sér. Ég heyrði Svein Axel kalla og þá hafði Hörður fengið ókeypis hring, en hann var svo fljótur að snúa sér á réttan kjöl að ég sá aldrei hvað gerðist. Sveinn var leiðángurstjóri og gerði vel í að halda hópnum saman þó að mér ræki stundum útúr hópnum varð maður að gjöra svo vel að hlýða.
Fínn róður sem fer í reynslubankann. Komnir af stað kl 1640 og tilbaka rétt fyrir 19 ef ég man rétt.<br><br>Post edited by: Ingi, at: 2009/02/26 07:59

Þetta reyndist hinn ágætasti róður. Á sjó fóru Gísli, Gunnar, Hörður, Ingi, Lárus og Sveinn. Leiðin lá um Veltuvík, Gunnunes, Þerneyjarsund, vestur fyrir Lundey, suður fyrir Viðey, um Fjósakletta og inn í Eiðsvík.
Líklega um 14-15 km en einhver félaganna getur greint nánar frá sjólagi og færni hópsins.
Kveðja, GHF.

Það lítur illa út vindaspáin fyrir þriðjudag, á Kollafjarðarsvæðinu.
Við skulum því hafa æfingu á miðvikudag, þá á að verða skaplegur vindur og lítils háttar frost.
Mæting um kl. 16, á sjó kl. 16:30 eins og verið hefur.
Þessi róður hentar ekki fyrir óvana.

Kv. GHF.