Aðalfundur Kayakklúbbsins 2014 fór fram fimmtudaginn 6. febrúar að viðstöddum tæplega 30 félagsmönnum og á dagskrá voru hefðbundin aðalfundarstörf. Stjórn og nefndir lögðu fram skýrslur sínar og farið var yfir endurskoðaða reikninga klúbbsins. Fjárhagsleg staða klúbbsins er sterk og fundurinn samþykkti að hafa félagsgjöld óbreytt fyrir árið 2014, 4500 kr. Breyting varð á stjórn klúbbsins en Páll Gestsson formaður og Örlygur Steinn Sigurjónsson stjórnarmaður gáfu ekki kost á sér til áframhaldandi stjórnarsetu. Klara Bjartmarz var kosinn nýr formaður og með henni í stjórn voru kosnir þeir Andri Þór Arinbjörnsson, Gísli S Karlsson, Sigurjón Magnússon og Sveinn Axel Sveinsson. Eins og oft áður voru fjörugar umræður undir liðnum önnur mál þar sem meðal annars var rætt um möguleika á því að halda alþjóðlegt kayaknámskeið (symposium) hér á landi, fræðslu og ungliðamál og réttindamál kayakleiðsögumanna og kennara.

Á fundinum fékk Guðni Páll Viktorsson sérstaka viðurkenningu frá klúbbnum fyrir hringferð sína.

Í lok fundarins var fráfarandi stjórnarmönnum sérstaklega þakkað fyrir góð störf fyrir félagið svo og var Reyni Tómasi Geirssyni sem nú tekur sér frí frá ferðanefnd þakkað fyrir að leiða Breiðafjarðarferðir í 10 ár.

Ólafía Aðalsteinsdóttir var fundarstjóri og fundarritari var Sveinn Axel Sveinsson. Fundargerð aðalfundar verður birt fljótlega hér á heimasíðunni.

 


Gummi's Avatar
Gummi replied the topic: #1 09 feb 2014 17:41
Við Steini formaður héldum uppi heiðri straumræðara og mættum. Síðan var rætt aðeins um stöðuna í Elliðaánum og hvað Steini er búin að vera duglegur að ýta við okkar málum þar.
Annars gerist lítið á málum straumræðara ef þeir mæta ekki til að reyna að hafa áhrif á gang mála. Það á bæði við um að vera dugleg að róa og líka að vera dugleg að taka aðra með til að leyfa þeim að prófa.
Jói Kojak's Avatar
Jói Kojak replied the topic: #2 09 feb 2014 14:13
Var eitthvad minnst á strauminn á thessum adalfundi? Eda er klúbburinn endanlega ordinn sjókajakklúbbur?
Gíslihf's Avatar
Gíslihf replied the topic: #3 07 feb 2014 16:57
Undarlegt með þessa mynd frá aðalfundinum,
það er eins og ég sé að laga hárið á Reyni Tómasi.

Annars var þetta vel sóttur aðalfundur og vel haldið á málum.
Hilmar's Avatar
Hilmar replied the topic: #4 07 feb 2014 13:21
Greinilega flottur fundur og til hamingju nýja stjórn. En mig langar að vekja athygli á kayakfatnaði frá ReedChillcheater. Pantaði um jólin 2013 tvo heilgalla á mig og frúna sérsaumaða,2 aukahettur og árahlífar. Gallinn lagði sig á innan við 80 þús. hingað komin. Er með sér rennilás fyrir karla og sér fyrir konur. Andar og er fóðraður með flísefni að innan. Ef þið viljið frekari upplýsingar er ég með netfangið, og á fésinu, þar er mynd af mér í gallanum . www.chillcheater.com er svo heimasíða þeirra :)