Þessir sólríku morgnar geta leynt á sér og verið naprir við Geldinganesið, einkum þegar NA-áttin rennir sér af hálendinu og vestur með Skálafelli niður Mosfellsdalinn.
Kaffistoppið undir réttarvegg í Engey varð í lengra lagi enda þar setið í skjóli og hækkandi sól. Þá var margt til umræðu, búnaðurinn eins og oftast, ferðir sumarsins, þverun fjarða með grjótgarði eða göng gegnum fjöll, byggðaþróun í Engey og margt fleira.
Það er sérstakt að vera með félögum sem maður þekkir ekki mikið en finna jafnframt að þeir vinna vel saman sem hópur og eru meðvitaðir um að gæta öryggis hver hjá öðrum. Stundu væri samt gott að geta sest saman í notalegri aðstöðu og rætt málin og kynnst fleiri hliðum á góðum félögum. Það má alveg láta sig dreyma um betri félagsaðstöðu.
Kveðja.
