Akurey

Þetta er harkan sex... og byrjar árið með stæl

Jafn vel og þetta hljómar að þá er ég ekki hissa að þetta hafi sprengt 10 skalann. Flott hjá þér

......já og gleðilegt ár!

Ég tek ofan fyrir þér.

Þú ert hraustur, félagi Örlygur Steinn og róa ekki margir í kjölfar þitt.

Kveðja - GHF.

Þetta hefur ekki verið neinn miðnætursólarróður hjá
þér.
Fjarri sól og sumaryl.
Manni verður hugsað til Steins Steinars:

Kvennmannslaus í kulda og trekki,
kúri ég volandi.
Þetta er -- ekki -- ekki -- ekki,
-- ekki þolandi!

En án gamans- þetta er frábært hjá þér

Það var sett í einn nýársróður hjá mér í gær. Akurey varð fyrir valinu og ég tók næturróður þangað í gærkvöldi, sóló í þokkabót. Tók tjald og svefnpoka og var þar í nótt. Frábær upplifun.

Á Viðeyjarsundi lokaði ís á mig og þá var puðað með bátinn upp á land og rölt með hann fram hjá. Lítið mál. Meira sagði ekki af ís, en hinsvegar var aldan orðin fullhress á Engeyjarsundi. Og ennþá hressari á leiðinni í Akurey. Norðangolunni um að kenna. En þetta truntaðist ágætlega. Síðan var bara tjaldað og róið heim í dag. Á skalanum 1-10 fær þetta 350 í einkunn.

Endilega gera þetta aftur og fleiri með næst. Það er pláss fyrir nokkur tjöld í viðbót þarna á eina slétta bletti eyjarinnar.