Snæfellsnes, Arnarstapi ofl., 9.-11. júlí 2010.

Takk fyrir frábæran róður. Er alveg í skýjunum eftir þessa helgi. Fallegt umhverfi, frábær hópur og ekki spillti veðrið. Takk Gísli fyrir að leiða okkur um þessar slóðir.

kveðja Þóra

Fínasti róður í góðum félagsskap. Verst að háhyrningurinn sem við sáum á leiðinni fyrir Búðarhraun slapp.

Nokkrar myndir á: picasaweb.google.com/runar.palmason/BuIrHellnarJuli2010#

Góðri helgi er lokið og ferðin tókst í alla staði vel og fegurð svæðisins naut sín vel í þessu góða veðri.

Við vorum 10 ræðarar fyrri daginn (Gísli H.F., Sveinn Axel, Hildur, Hörður, Páll R., Ólafía, Gunnar Ingi, Rúnar, Þóra, og Tryggvi) og 6 þann síðari en Hörður, Páll og Rúnar þurftu að fara heim um kvöldið og Tryggvi kaus að njóta veðursins á annan hátt með konu sinni.

Fyrri daginn fórum við frá Búðum um Grunnasker og Djúpasker og upp á sandrifið langa í Breiðavík við báða enda þess og enduðum svo á Arnarstapa. Veður var gott, sól og blíða. Síðari daginn héldum við áfram frá Arnarstapa, snæddum nestið við Hellnar, rérum svo inn undir Lóndranga og lentum innan við Malarrifseyjar við Malarrifsvita. Veðrið var einnig sólbaðsveður og þurftu sumir að velta sér til að fá kælingu. Á síðasta hálftíma spottanum að Malarrifi fengum við hvassan vind á móti og af landi og hvítnaði vel í báru fyrir utan, en hópurinn var knár og allir luku róðrinum með sóma.

Það er ekki hægt að ganga að því vísu að geta lent við Malarrif og ég treysti mér ekki til þess á hringferðinni í fyrra og næsta örugga lending er í Dritvík.

Kv. GHF.

Ég hafði svo sannarlega ætlað með í þessa ferð alveg frá því hún komst á koppinn. Blóðlangar auðvitað ennþá, en á ekki heimangengt þessa helgi.
Það er EKKI vegna HM!

Góða skemmtun,

Páll R

Það er nauðsynlegtað vera með hjálm þarna vegna Kríuárása. Annars er þetta fallegur og skemmtilegur staður til róðrar. Góða skemmtun,Ingi

"Síðasta útkall".

Það eru 6 ræðarar sem ætla að róa á svæðinu og aldrei of seint að koma með á meðan við erum þarna.

Ég hafði samband við hótelið í Langaholti þar sem tjaldstæðið er og þar er hægt að ganga að morgunverðarhlaðborði fyrir kr. 1900.

Sjáumst hress.
GHF.

Komin með far

Það styttist í helgina á Snæfellsnesi.

Auk þeirra sem hafa látið vita hér á korkinum er líklegt að Smári og Siggi komi og við sjáum hvort fleiri ákveða sig næstu tvo daga. Veðrið virðist ætla að verða í lagi og við reynum að láta öllum líða vel, en rétt er að ítreka að svæðið hentar ekki byrjendum, nema þá rétt í ósnum við Búðir.

Ég valdi nokkrar myndir sem ég hef tekið á svæðinu og þær eru hér:
picasaweb.google.com/gislihf/M201007?aut...1sRgCJGgvvuNoOTBrwE#

Ég verð með Rúnari með tvo báta á mínum fólksbíl, en vonandi getur einhver bjargað Þóru með far.

Kv. GHF.

Ég ætla að mæta, en mig vantar far fyrir mig og bát. Er einhver með laust pláss á toppnum??

Þóra

PS - eftir síðustu færslu:

Eitthvað hefur vantað upp á uppfærslu hjá Veðurstofu í dag fyrir n.k. sunnudag. Nú lítur þetta betur út, bara fínt veður á sunnudag, enda var hin spáin með 10-15 m/s að sunnan alveg út úr kortinu, t.d. miðað við lægðamyndina á Atlantshafsspánni.

Sem sagt - gott!

Kv. GHF.

Planið er enn óbreytt, að mæta í Langaholti og vera þar á tjaldstæðinu og fara síðan með bátana á bílum þangað sem á að róa. Hins vegar er orðið nokkuð tvísýnt með veður, miðað við vindakort veðurstofu nú
www.vedur.is/vedur/spar/thattaspar/faxafloi/
en það hefur breyst verulega frá því í gær. Nú er spáð viðráðanlegum vindi á laugardag en ekki á sunnudag.

Við fylgjumst með hverju fram "vindur".

Kv. GHF.

Ég mæti. Á sem sagt að róa frá Búðum í Grundarfjörð ef veðrið er slæmt? Það er aldeilis ...