Aukabúnaður

Ég er reyndar búinn að finna aðra heimasíðu sem selur þetta mikið ódýrar, þar er Mark-Lite Fire Fly t.d. á 17$ í stað 27$

Þeir eru því miður ekki með skutljós á stöng þannig að þau þurfa að bíða betri tíma. Ekki heldur reflective tape.

Mark-Lite Strobe kostar hjá þeim 35$

Mark-Lite kostar 9$

Geri pöntunina á morgun. Þeir sem eru komnir með í pöntun eru:
Óli Egils
Gunnar Ingi
Össur
Rúnar
Þóra
Maggi
Gísli HF
Bjarni
Sveinn Axel

Þetta verður meiri ljósadýrðin í vetur ...

Lítið framboð innanlands.
Það er oft erfitt að finna ýmsan búnað hér á landi, sem við þurfum að hafa með í Kayakróðrum. Það er því þakkarvert framtak þegar einhver hefur frumkvæði að því að benda á og panta búnað eins og Palli formaður er nú að gera með næturljós.
Það væri gagnlegt fyrir okkur að fá ábendingar eins og ég er að setja hér og aðra aðstoð við að afla báta, búnaðar og aukabúnaðar.

Vatnsheldur hljóðnemi á talstöð.
Einhverjir félagar eiga og nota sjó-talstöðvar sem fást í N1 búðinni Bíldshöfða. Þar eru nú til vatnsheldir "mikar" og þurfti ég að greiða kr. 12.881,- fyrir einn slíkan. Kosturinn við að hafa slíkan hljóðnema er að þá þarf ekki að taka stöðina upp úr vestisvasanum til að tala með hættu á að missa stöðina í sjóinn, heldur er hljóðneminn festur í axlaband vestisins og hljóðið kemst betur til skila.

Vatnssheldur poki fyrir gsm síma.
Ég er búinn að eyðileggja 3 gemsa á sjó með "saltpækli" sem hefur komist inn í þá. Einn síminn (Samsung) átti að vera vatnsheldur en gaf sig fyrir rest, það gæti t.d. verið vegna sandkorna í þéttiköntum. Litlu rauðu þurrpokarnir fyrir síma hafa farið að leka hjá mér (2 stk.) í kantinum þar sem efnið er soðið saman, við það að vera rúllað saman þegar þeim er lokað, líklega of mörgum sinnum.
Ég var nú að kaupa aðra gerð af vatnsheldum símapoka, sem ekki þarf að rúlla saman og Hörður mælir með, það var hjá Aukaraf, Dalbrekku 16 Kóp. og var verðið kr. 3.900,-

Kv. GHF.