13. ág. Akrar-Hvalseyjar

Þeir tíu sem fór voru Egill, Einar Sveinn, Gísli H F, Gunnar Ingi, Lárus og Kolla, Snorri, Stefán og Sveinn Axel og Hildur.
Nokkrir hafa greinilega hætt við, en á sjó vorum við komin kl. 10:45. Ferðin út í Hvalseyjar tók tæpa klst., þar vorum við í rúma klst. og róðurinn til baka tók um 2 tíma, enda kaldi til stinnigskaldi á móti og aldan um 0,7 m með hvítu trafi á víð og dreif.
Á Ökrum ræddum við við Ásmund bónda, sem er yfir áttrætt og man eftir fyrri komum kæjakfólks og eftir leitinni að Freyju og Greg. Ásmundur er fæddur í Þerney sem við komum oft við í.
Húseyjan í Hvalseyjum er sendin með hvítum skeljasandi og svörtum klöppum og vaxin melgresi nema að sunnan þar sem er mittisdjúp baldursbrá og hvönn, en þar eru lundaholur og æðarhreiður og er allt nokkuð erfitt yfirferðar. Fjöldi skerja er í grenndinni og er þar mikið af skarfi.
Að lokum litum við inn í Akrakirkju í boði Ásmundar á Ökrum.

Snemma í fyrramálið met ég persónulegan vindstuðul fyrir mig-til kayakróðurs á svæðinu. Verði ég ekki kominn kl 9.30-þá hefur minn persónulegi mælir farið yfir rauðastrikið....En Hvalseyjar toga stíft..

Ég mæti.

kv. Egill

Stefni að mætingu.

kv
Einar Sveinn

Áætla að mæta.
Þorsteinn Jóns

Þetta er nokkuð spennandi. Hvalseyjar eru ekki beint í alfaraleið. Veðrið viðist ætla að verða hagstætt.

En Hvalseyjar er eitthvað sérstakt við þær ?
Allavega hér áður fyrr.

Þá var þetta með mestu æðardúnstekjusvæðum við Flóann.

Mikið var veitt þarna af skarfaungum sem voru saltaðir til vetrarforða.

Mikil selveiði var þarna einkum útselskópar sem voru rotaðir þarna í miklu magni.

Útselur laðast að Hvalseyjum. Kirkjan á Staðarhrauni í Hítardal átti þarna selveiðihlunnindi.

Og í Hvalseyjum var útver til sjósóknar á fisk.

Hvalseyingar voru nokkuð sérstakir við æðarkollurnar á vorin. Þeir ristu upp torfþökur ,veltu þeim uppá rönd og mynduðu með þeim hálfhring um kollurnar til skjóls fyrir norðanhvassviðrinu.

(heimildir: ísl.sjávarhættir)

Og nú stefni ég á að skoða Hvalseyjar-af kayak.

Ég kem með í róðurinn, frískur og sprækur.

Kv. Snorri

Ég og Klara gerum ráð fyrir að mæta.
Kv Þóra