Jónsmessuróður 2012 - Skráning

Já ég er sammála. Verð líka að bæta því við að þín var saknað í róðrinum. Held að ég hafi aldrei róðið í Hvalfirðinum á Jónsmessunni án þess að þú værir með í för. Við lögum þetta til næst og vonandi með einhverju útileguívafi, það væri bara gaman

Gott að heyra Össur.
Ég held að svona útileguívaf í Jónsmessu róðrinum gæti orðið stemningaaukandi og gott start fyrir sumarróðrana. Það gæti einnig aukið þátttökuna -fá meira út úr ferðinni á þessum flotta stað sem Hvalfjörðurinn er... en er ánægður með skýringun á misræminu... takk fyri það

Sæll Sævar.
Því miður stóð ríkisstjórnin sig ekki í því að breyta landslögum og reglugerðum eins og íað er að í ferðadagskránni og því ekki forsvaranlegt að hafa þessa ferð með útileguívafi að þessu sinni. Vonandi næst það hjá þeim fyrir næsta Jónsmessuróður og þá getum við kannski gert eitthvað í þá veru. En við þurfum helst að ná að fjölga ræðurum í þessa ferð.
kv Össur

Takk fyrir þetta Össur.
Vildi bara vita um breytta tilhögun róðursins. Á ferðadagskránni er látið að því liggja að þetta verði útileguferð og tjaldað. Jónsmessunni fagnað alla nóttina. Þetta vakti löngum mína til róðrar. Hvort breyting á róðrarplaninu hafi leitt til óvarkárni hjá mér og valdið smá axlartognum-veit ég ekki-en kannski hjálpað til. En fagna ferðinni hjá ykkur og góðri ferðasögu ásamt myndum ,fyrir okkur sem heima sátum af ýmsum ástæðum....

Takk fyrir mig!

Myndir

Sæll Svævar
Vona að það hafi ekki haft áhrif á meiðsl þín þó Þóra hafi þurft að fela mér umsjón með ferðinni:)

En það var fámennt að þessu sinni í Jónsmessuróðrinum okkar. Við vorum níu sem rérum: Egill, Einar, Friðþjófur, Jónas, Magni, Maligiaq sá grænlenski snillingur, Marta, Þórólfur og undirritaður. Við byrjuðum á að grilla okkur pylsur í fjörusporðinum og rérum af stað södd og sælleg. Ákveðið var að róa léttan hring um Hvammshöfða og róa svo inn fjörðinn, með landinu sunnanmegin. við rérum að svo nefndum Stórhöfða þar sem við tókum flest kaffipásu. Maligiaq var hins vega greinileg ekki vanur svona rólegum róðri eins og þessi var hjá okkur og þeyttist um fjörðinn þveran og endilangann með við drukkum te. Við rérum til baka næstum sömu leið en skiftumst á að róa með þessu snilldar grænlenska (made in France) priki sem við höfðum kynnst hjá Maligiaq fyrr um daginn.
Takk fyrir fínan róður og notalega kvöldstund
Össur

Verður Þóra Atladóttir ekki umsjónarkona ferðarinnar ? Það er auglýst svo á síðunni. Vegna smá axlarmeiðsla verður ekkert af þátttöku minni. En eigið þíð góða róðrarferð...

Verð með kerru í Geldingarnesi í kvöld og get tekið einhverja báta. Reikna með að leggja af stað þaðan um 20:00, þannig að mæting eitthvað fyrr til að græja báta á kerruna.

Maligiaq kemur.

Ég og Magni ætlum að mæta.

Við Marta mætum

Egill

Líst vel á það Einar, verð þá allavega ekki Palli einn í Hvalfirðinum. Það er blíðviðris veðurspá, þannig að þetta verður rólyndar róður til að njóta. Skylda að taka myndavél með Einar.

Vid verdum tha tveir,eg maeti, kem ur sveitinni

Ég mæti, þó ég verði einn það verða þá bara fleiri pylsur handa mér

Koma svo og skrá sig, snilldar veðurspá

kv Össur

Ég ætla allavega að mæta (skyldumæting hjá mér) en vona að sjá sem flesta. Ætlunin er að vera með léttan en um fram allt skemmtilegan róður sem hentar öllum. Ég stefni á að grilla pylsur í fjörunni eins og í fyrra, þ.a.s ég kem með grill, pylsur, á þær og í og gos með. Við grillum okkur svo áður en við leggjum af stað. Þetta verður bara gaman
Miðað við veðurspánna eins og hún lítur út núna verður hægt að standa við einnar árar ferð.

Koma svo og melda sig.

Kv Össur I