Staðfest brautarmet í karla- og kvennaflokki

Hér með staðfestist að Ólafur B. Einarsson setti nýtt brautarmet í Reykjavíkurbikarnum á laugardag og Þóra Atladóttir setti sömuleiðis glæsilegt brautarmet í kvennaflokki. Aðstæður voru hagstæðar á laugardag, nánast stilltur sjór en smávegis snjóbloti á sjónum á síðasta leggnum dró líklega aðeins úr hraðanum. Ólafur bætti metið um 2:36 en Þóra bætti metið í kvennaflokki enn meira eða um 4:48. Keppt hefur verið á núverandi braut frá árinu 2003. Hægt er að sjá bestu tíma í brautinni með því að þrýsta á Read more.

Tími Halldórs Sveinbjörnssonar á Inuknum er sá besti sem hefur náðst á slíkum bát - 57:42 og tími Péturs Hilmarssonar sá næstbesti - klukkustund og níu sekúndur. Líklega voru reyndar slegin met í flestum flokkum og ábyggilega einhver persónuleg met sömuleiðis.