Félagsróður 8. nóv.

Toppróður með góðum hópi. Þóra, Svenni, Andri og Gísli HF mættu. Byrjaði í blankalogni á eiðinu en það mátti sjá strenginn norður af Viðey. Þangað var stefnan tekin en svo varð nú eitthvað lítið úr þeirri öldu. Leit hins vegar meira spennanidi út beint upp í vindinn í átt að Lundey. Það var því róið frá Vesturey og að Lundey og hún hringuð réttsælis. Bullandi skemmtilegt lens að vesturenda Geldinganess til baka úr Lundey og síðan róið í blankalogni og skjóli í aðstöðuna. Öldungis stórfínt alveg og skemmtilegt.

Vindur í Geldinganesi var 9 m/s og 14 í hviðum en á Kjalarnesi 19 m/s og 27 í hviðum. Við höfum verið eitthvað þarna á milli við Lundey.

Takk fyrir mig.

Þetta er of spennandi, ég ætlaði að vera annarstaðar í fyrramálið en reyni að komast.
M.v lýsingar Gísla þá slepp ég við að lesta bátinn

Kv,
Andri

Áhugaverð veðurspá!
Spáin fyrir laugardag kl. 10 er svipuð og hún var kl. 17 í dag en þá sýndi vindmælir í Geldinganesi meðalvind 10 m/s en hviður allt upp í 26 m/s
Það er því betra að vera ekki undir 90-100 kg eða hafa eitthvað til að lesta bátinn með
Sömuleiðis gæti verið varasamt að taka "sundæfingu" því að sjókeipur getur rúllað af stað eins og kefli eftir sjávarfletinum undan slíkum vindi rétt á meðan ræðarinn er að koma upp úr kafi.

Ég stefni á að taka að mér róðrarstjórn félagsróðurs á laugardaginn. Víxla á dögum við Gunnar Inga vegna fyrirséðra anna.

Hlakka til að koma í Geldinganesið aftur, hef haldið mig við útræði frá Nauthólsvík upp á síðkastið.

Óvissa með veður - róðrarleið verður líklega bara ákveðin á pallinum góða við brottför miðuð við aðstæður.

Mætum tímanlega - allir bátar eiga að vera komnir á sjó kl 10