Nauthólsvík í fyrramálið

Svona fyrirsagnir verða villandi eftir á.
Ég fór góða ferð með Palla í morgunsárið. Golan var köld og ísinn myndaði fljótt húð á bátnum sem lýsti af tunglskini. Palli var á heimavelli og það var gott því að skerin leyna á sé og þarna er land "lítið og lágt", enda þótt sumir búi þar sem lifa hátt. Það var notalegt þegar tók að krauma í expressókönnunni og sopinn var hressandi í fjörunni neðan við Bessastaðakirkju. Við sáum hvorki Dorrit né Sám en teljum okkur vita að hann sé enn með íslenskt ríkisfang. Væri ekki tilvalið að fá hann fyrir forseta þegar Ólafur hættir - svona Sámar eru þekktir fyrir að vera tryggðatröll.
Aðstaða klúbbsins í Nauthólsvík er mjög hlýleg og góð og veðurlag betra en inni á Sundum þó að róðrarleiðir séu ekki jafn fölbreyttar.

Líst vel á það. Verð með espressokönnuna í lestinni og stefni á að smella á hana í fjörunni undir Bessastaðakirkju í morgunskímunni.

Ég ætla að mæta um kl. 6:45 - verð kominn í gallann.
Við erum með gesti til miðnættis, en ég vona ég sofi ekki of fast undir morgunn.
Þetta er næturróður að morgni!

Róður fyrir vinnu í fyrramálið ef einhver hefur hug á.

Nauthólsvík - kominn á sjó kl 7. Kominn í land aftur ca 8:30.