Við Eymi og Gísli mættum í sultuslakan eftirmiðdagsróður.
Hæg gola eða andvari af austri tilað byrja með en það átti eftir að breytast á miðri leið að Lundey. Skv. veðurathugun á Geldinganesi spændist vindur uppí 16msek um leið og vindáttin fer úr NA í ANA.
Sem sagt á móti með tilheyrandi pusi allaleið að Þerney. Mér sýndist búrhvalur koma uppúr kafinu þarna í hálfrökkrinu þegar öldugangurinn var sem mestur en sá fljótlega í gegnum saltstorkinn brúnaljósin að þar var enginn annar en Eymi að taka rokveltu þarna rétt við nefið á mér. Við köstuðum við mæðinni í nokkrar mínútur í skjólinu vestur af Þerney um leið og birtan hvarf endanlega, breytist þetta í næturróður. Leiðin lá síðan meðfram Þerney og yfir sundið alveg að (Gunnunesi?) meginlandinu og þaðan haldið í suður. Sjaldan hef ég séð aðra eins vindbáru af austri á þessum legg að austurenda Geldinganessins.
Þegar að landi var komið breyttist róðurinn í sleðaferð.
Það sannaðist í þessari ferð að góðir róðrarfélgagar eru gullsígildi.
kv
ngi
