Aukaróður

EFTIR RÓÐURINN:
Autt var að vestan en samfelldur ísfláki langt út að austan.
Frost 7 stig.og skeggvírinn var frosinn allan tímann en það sakar ekki mikið í vindi um og undiir 7 m/s. Reri á móts við Viðeyjarstofu að norðan.

Ég fer í næsta aukaróður í fyrramálið
fid. 12. feb. kl. 11 á sjó.
Það verður flóð kl. 11:47 og hæg en vaxandii austanátt.
Stefni á um klst. róður nálægt Geldinganesi.
Kv. GHF

Skrapp umhverfis Fjósakletta áðan, vindur 10 m/s SV, sjólag gott, nema sæta þurfti lagi til að komast milli kletts og lands vegna löðurs þegar fyllti á milli.
Tók veltur í lokin en hef annars hlíft mér við því í kuldanum undanfarið. Rifjaðist þá upp þegar ég var að róa við norðureyju Möltu um árið. Ég var í bát með stýri og gengu fótstigin fram þegar ég spyrrnti í þannig að fyrsta veltan tókst ekki fyrr en í þriðju tilraun. Þá var gædinn komin með talsverðan kvíðasvip. Ég gerði síðan aðra veltu þegar ég var búinn að átta mig á fótstigunum og þá gekk það vel. "Are you now happy?" spurði þá gædinn með glotti.

Staðreyndin er líklega sú að
veltandi ræðari er hamingjusamur ræðari.

Ég stefni á róður síðdegis á morgun, fimmtudag, eitthvað ekki of langt.
Ef einhver vill vera samferða er tími minn sveigjanlegur, annars fer ég bara "einhvern tíma".
Vindur verður talsverður af suðri - sem er í góðu lagi!
Láta vita hér, í meili eða síma.
GHF

PS mæti örugglega líka í Þorraróðurinn.