Frá Reykjavíkurhöfn

Það er full ástæða til að vekja athygli á þessu Kalli því að þeir í sjóhernum Bandaríska geta verið mjög spenntir eftir árásina á USS Cole fyrir nokkrum árum. Við höfum verið að róa fyrir forvitnissakir alveg uppað ýmsum skemmtiferðaskipum og dást að stærð þeirra og flottheitum. Bandarísk herskip eru tilkomumikil sjón en fyrir alla muni komið ekki nálægt þeim. Maður veit aldrei hvernig þeir bregðast við.
Kveðja,
Ingi

Þrjú herskip úr eftirlitsflota Atlantshafsbandalagsins verða í Reykjavíkurhöfn dagana 14. til 18. júní. Landhelgisgæslan í samráði við lögreglu og hafnaryfirvöld hefur ákveðið að hafa 25 metra öryggisvæði umhverfis skipin.

Skipum og bátum sem leið eiga um hafnarsvæðið er skylt að halda sig utan öryggissvæðanna. Hafnsögumenn Faxaflóahafna veita nánari upplýsingar á rás 12.