Æfingar og leikur

Það eru hressileg skilyrði til þjálfunar í vindi og erfiðu sjólagi við Seltjarnarnes í kvöld.
Þurfa ekki einhverjir að skoða það fyrir keppnina á laugardag?

Þetta var hressandi æfing hjá okkur GPV, Herði og Andra.
Andri var fenginn til að leika fórnarlamb í bát sem fylltist framlest og mannnop í þannig að hann sat í bát sem rak upp skutinn eins og hann væri í LazyBoy stól. Guðni Páll stjórnaði aðgerðum og við komum Andra fljótt í þurran bát aftur, með neyðarlúgu á framlestinni.
Síðan lék hann meiddan ræðara úr axlarlið, ég stjórnaði aðgerðum, Hörður dró, en GPV kom sjúklingnum í bátinn og studdi þar til ég tók við honum við fjöru.
Það var svo Doktor Guðni Páll sem setti Andra í axlarlið ofan á stórum steini.
Enginn smá snillingur hann Guðni Páll
En í alvöru, ég lærði ýmislegt af honum á þessari æfingu.

Við látum vita þegar okkur vantar meðleikendur næst, það gæti orðið ferð fyrir Reykjanestá í mesta fallastraumi, brimlendingar eða eitthvað annað.

Í dag sunnudag 23. ágúst - á sjó kl 17.
Við Guðni Páll ætlum að æfa ýmsa þætti næstu vikur á sjókajak og látum vita til að aðrir geti haft skemmtun af og aukna færni í leiðinni. Haustið er góður tími, sjórinn volgur og vetur framundan.
Póstur á hóp 'þriðjudagsræðara' gaf aðeins eitt svar, en gott væri að hafa fleiri með í þessum æfingum, þó ekki byrjendur.
Í dag ætlum við að vera í nágrenni við Geldinganesið og leika og æfa hvernig við fáumst við eftirfarandi:

1. bátur er skemmdur á sjó
2. ræðari er meiddur eða veikur á sjó