Félagsróður 14. nóvember

Það voru 11 ræðarar sem lögðu upp frá Geldinganesi undir öruggri róðrarstjórn Þóru. Róið var fyrir Geldinganes og Lundey og þaðan yfir í Þerney þar sem tekið var stutt kaffistopp. Veður var með allra besta móti, logn, sól og sléttur sjór. Nokkrir töldu sig hafa séð hnísu á ferð, en aðrir ekki. Milli Lundaeyjar og Þerneyjar bættist einn ræðari í hópinn. Takk fyrir skemmtilegan róður.

Skipaður róðrarstjóri forfallaðast í dag.

Annaðhvort Klara eða Þóra munu hlaupa í skarðið, eftir því hvor fær meiri stuðning á pallinum. Við hvetjum alla til að mæta, veðurspáin er frábær og ef einhvern tímann er ástæða til að fara á sjó í góðra vina hóp þá er það núna.

Sjáumst vonandi sem flest á eftir.
Klara og Þóra