Jónsmessuróður 24.júní – róið inn í nóttina

Takk fyrir frábæra ferð, þetta var mjög gaman.

Kær kveðja,
Glænýr.

Jónsmessuróðurinn 24. Júní var vel lukkaður að vanda.
Mættir voru 12 ræðarar sem lögðu frá landi upp úr kl. 20.00.
Í hópnum voru bæði félagsmenn, hoknir af reynslu og svo voru nokkrir ræðarar sem voru nánast að stíga um borð í bátinn sinn í fyrsta sinn.
Róið var rúmlega 10 km leið frá aðstöðu Sviðna við Skógartjörn á Álftarnesi, fyrir nesið og inn í Seyluna, en það er víkin sem Bessastaðir standa við og til baka. Skemmtileg leið og gaman að horfa til borgarinnar frá öðru sjónarhorni en vanalega. Við Seyluna tók formaður ferðanefndar Hildur Einardóttir á móti okkur með rjúkandi grillið og stafla af pylsum. Sporðrenndu ræðarar þar hverri pylsunni á fætur annari og skoluðu niður með drykk úr dós eða flösku.
Dálítil gjóla og smá alda var á sjónum við Skógartjörn í upphafi ferðar, en um leið og við vorum komin út úr tjörninni vorum við á sléttum sjó.
Allt gekk vel og skemmtilegt er að segja frá því að Högni 11 ára gamall, sonur Helgu Haraldsdóttur var með í ferðinni og stóð sig með mikilli prýði.
Á móti okkur réru frá Nauthólsvík, Þorbergur Kjartansson og gestur með honum, sem hann hafði boðið á sjó þetta kvöld.
Fjórir ræðarar létu duga að róa í Seyluna og fengu far með Hildi yfir að Skógartjörn. Við vorum því átta sem rérum til baka, en Þorbergur og hans gestur réru yfir í Nauthólsvík.
Þeir sem réru voru: Sveinn Axel, Daníel, Egill og Marta, Gísli Karlsson, Jónas, Helga og Högni, Baldur, Ólafía og tveir glænýir sem ég man ekki hvað heita og svo Þorbergur og gestur hans.

Ólafía Aðalsteinsdóttir – fararstjóri Jónsmessuróðurs.

Hæ, takk fyrir samveruna og grillveisluna í gær, þetta var flott, hérna eru nokkrar myndir úr róðrinum.
Kv. Jónas

Ég og Högni stefnum á að mæta

Vildi að èg kæmist með en verið að eiga það inni, þetta er frábær leið og þarna má meira að segja sjá hvítar strendur og ef vel er að gáð strandkokteila
Góða skemmtu
Kv

Ég ætla að mæta, 2 pulsur fyrir mig.
Jónas

Egill og Marta mæta.

Ég stefni á að mæta og vonandi með einn til tvo með mér

Á ég að trúa því félagar, að ég þurfi bara að kaupa tvær pylsur eina handa Ólafíu og aðra handa Sveini? Koma svo, róðrarleið, þar sem þið sjáið Reykjavík, Kópavog, Hafnarfjörð og Bessastaði frá skemmtilegu sjónarhorni.

Jónsmessuróður 24.júní – róið inn í nóttina