Byrjendabyrjandi

Sæll,
kayakar eru misvaltir en þeir geta allir oltið.

Kv,
Andri

Takk fyrir gott svar, en þá kemur að öðru, er ekki talsvert minni líkur á að velta straumkayak í þokkalega lignum sjó heldur en sjókayak? Var eitthvað búinn að lesa fróðleiksmolann um útlit ofl eftir Steina.

Sæll Jói,
það er best að nota straumkayak eingöngu í straumvatni. Ástæðan er sú að ef þú lendir á sundi þarfti að komast í land til að tæma bátinn áður en þú heldur áfram að róa. Á sjó og stórum stöðuvötnum getur verið of langt í land til að koma sjálfum sér og búnaði á þurrt, í straumvatni skilar áin þér oftast að bakka á endanum. Mikilvægt er að hafa réttan búnað en jafnvel mikilvægara að vera ekki einn á ferð. Við róum reglulega frá Geldinganesi, minnst einu sinni í viku. Klúbburinn leggur mikla áherslu á að aðstoða nýliða og fullt í boði fyrir þá sem vilja byrja í sportinu. Þú getur lesið um þetta undir flipanum hér efst á síðunni Klúbburinn, og þá opnast flettigluggi þar sem þú getur valið "Til nýliða". Besta fræðslan sem þú færð er á námskeiði og í félagsróðri.

Sjáumst vonandi í róðri einhvern daginn.

Kv,
Andri

Jæja góða kvöldið. Nú er ég í kayak-hugleiðingum, búinn að hafa delluna síðan ég prufaði fyrst þegar ég var um 12 ára, er núna 24 ára. Ég er búinn að prufa straumkayak (Úlfljótsvatni), sit-on-top (Stokkseyri í fenjunum og út í sjó) og sjókayak (Önundarfirði). Hef einni prufað riverrafting í Hvítá og eftir það ákvað ég að mig langaði að hafa þann möguleika nema bara á kayak. Ég bý fyrir ofan Geldingarnesið og langar mig einnig til þess að geta tekið stuttan hring í góðu veðri þar í kring. Svo þá er spurningin, er straumkayak alveg stórt NEINEI í sjóinn? Er ég að fara að reka á haf út? Eða kemst ég jafnvel ekkert úr sporunum? Ég hef sáralítinn áhuga á að sigla í vonskuveðri en vil að sjálfsögðu komast heim ef það hvessir. Gaman væri til dæmis að sigla frá Geldingarnesi og inn undir Gullinbrú í góðu veðri, það eru svona vegalengdirnar held ég. Hver er ykkar skoðun?
Mbk. Jói