Félagsróður 5.nóvember

Fjórir ræðarar voru í einhverri tímaþröng í dag, lögðu af stað rétt fyrir 9:30 og réru réttsælis Geldinganeshring en átta fóru á hefðbundnum tíma. Hóparnir tveir mættust rétt norðan við veltuvíkina en svo var haldið áfam. Það var hliðarvindur og útfall í Kollafirðinum og á heimleiðinni fengum við góð skilyrði til að æfa að taka mið í landi og róa stystu leið í hliðarreki. Kom á óvart hvað rekið var mikið því að það var ekki hvasst og við þurftum að stefna 10°-15° uppí til að halda miði. Fínasti róður og 13km í gulu bókina.

Kv,
Andri

Sæl öll,
ég hef tekið að mér róðrarstjórnina á morgun. Ég fletti upp spánni á vedur.is og það virðist stefna í frídag hjá veðurguðunum, hvorki logn né vindur og hitastig á mörkum frosts og þýðu. Tek stefnuna á Arnarhreiðrið og stutt kaffistopp í víkinni neðan við hreysið.

Kv
Andri