Þetta er GRÆNÞVOTTUR, öðru nafni hræsni, að eyðileggja umhverfið og kalla það umhverfisvernd.
Siðferðilega er það líkt því að níðast á hænum og kalla svo eggin vistvæn. Þegar eitt málefni eins og hnattræn hlýnun nú, sem vissulega er alvörumál, verður að þráhyggju, þá blindast dómgreindin og hægt er að réttlæta hvaða óhæfu sem er.
Við sem þekkjum þetta svæði kajakfólk, hundaeigendur, golfarar og annað útivistarfólk þurfum að vaka yfir því að það verði ekki eyðilagt. Náttúruleg strönd umhverfis Reykjavík er nær horfin, en innan við Eiðið er þó ósnert svæði enn. Fjósaklettar eru dýrmætir og ströndin þangað út nokkuð upprunaleg, en þó allmikið af uppfyllingum og drasli ef betur er að gáð. Ég hef séð kennara koma með fullar rútur af börnum í fjöruna hjá okkur til þess að sjá fjöru með lífríki, og er þó mörg fjaran þokkalegri en leðjan á fjöru þar, eftir að Eiðnu var lokað.
Ég er að velta því fyrir mér hvort gagn sé í því að skrifa greinar í blöð - svo er spurning um samþykkt skipulag svæðisins og hvort þessar fréttir eru undirbúningur þess að ná fram breytingum þar.