Ég komst því miður ekki með í morgun en mér varð hugsað til ræðara morgunsins:
Laugardagsmorgun
á laugardagsmorgni þegar
misvitrir útvarpsþulir gera
fólk allt að því brjálað
með sínum útkreista húmorlausa
hlátri í viðtækjum landsmanna
gera kappar sig klára
í stálhýsum eiðisins
við fjöruna svarthvítu
blikkljós kveikt og þykkir
hanskar úr nýprjóni eru dregnir
yfir krókloppna fingur
svuntan strekkt og
ýtt er úr fjöru
Á öldunni svölu og kröppu
sveigja þeir sig og beygja
á milli lands og hárbeittra skerjanna
renna og skoppa
einæringar úr plastefni
(mishörðu þó)
sjóenglar hafsins kaldbláa
rassskella sundin með
spýtunum sínum taktfast
en örugglega og
fá að launum
jökulkaldan og blautan
koss
stefnan tekin heim á leið
kuldi í beinum
en bros á vör og
kinnarnar rjóðu ljóma
eins og kveikt hafi verið
á 100 kerta peru
keiparnir dregnir
á pallinn góða
og strax er farið að leggja
drög að næsta skipti
kv
Ingi
