Róðrarbókin 2017

Sveinsbókin er hvatning fyrir marga en þrátt fyrir að sumir séu skeptískir hefur verið ákveðið að veita hófleg hvatningarverðlaun fyrir fimm efstu sætin í kílómetrum talið og að auki þeim ræðara sem skráir flesta róðra á árinu 2018. Einu kröfurnar eru að ritað sé nafn, dagsetning, róðrarstaður og vegalengd á læsilegan hátt í bókina. Allir skráðir róðrar á kayak eða sambærilegum bátum s.s SOT eða Surfski teljast með óháð því hvar er róið eða hvort það sé í straumvatni, stöðuvötnum eða sjó. Sjáum hvernig reynslan verður en ég held að þetta verði mjög gaman.

Kv,
Andri

Vissulega væri verðlaunaafhending skemmtilegur atburður á aðalfundi klúbbsins eða gamlársróðri. Og verðlaun eiga almennt að hvetja til dáða - og sú hvatning er nú þegar gefin af alkunnri snilld, hugkvæmni og alúð með því að SAS færir inn nýjustu tölur, reglulega allt árið um kring. Þannig að verðlaun umfram það væri ekki að bæta neinu stórkostlegu við Róðrarbókina. Þessi bók er eiginlega okkar allra verðlaun, skemmtilega útkrotuð, lúin og blaut. Fíla þetta.

Persónulega finnst mér ekki rétt að gera róðrabókina að keppnisgrein og fara að verðlauna menn, því ég held að það
gæti farið í vitleysu, tildæmis var ég var við þann tón að ég væri að ýkja með kílómetrana.
Ég vil bara hvetja menn og þá sérstaklega nýliða sem hafa sótt námskeið til að róa mikið og langt.(fara framúr mér).
Áratæknin og getan vex hjá manni og þetta er holt og gott
fyrir sál og líkama og einsog krakkarnir segja oft.: geðveikt gaman ,, hana nú

Ég er nú nokkuð viss um að Smári sé ekki sá eini sem er kominn yfir 1.000.km á árinu eins og segir hérna fyrir neðan. En væri ekki hugmynd að veita verðlaun fyrir þá sem ná ákveðnu marki ár hvert? Þetta er jú róðrarklúbbur.