Félagsróður - Þorraróður - 18. febrúar

Hér koma myndir sem ég tók í þessum frábæra róðri.


goo.gl/photos/mgpLPrRRDugSVzS46

Takk fyrir frábæran róður í dag, nokkrar myndir úr ferðinni.

goo.gl/photos/nBKBn642TudcGRBx6

Þrettán þorrasveinar-og meyjar réru Viðeyjarhring í dag.
Það var svartaþoka sem er óvenjulegt fyrir okkur en við létum það ekki slá okkur út af laginu.

Þegar í land var komið beið þvílík Þorraveisla í umsjón Þóru og er ljóst að valdarán var framið.
Svenni þarf að koma með svakalegt útspil á næsta ári til að halda embætti sínu sem Þorrakóngur klúbbsins.

Takk fyrir skemmtilegan róður og samveru - og hjálpina við róðrarstjórn.
Klara.

Ég verð floginn til Osló í vikuferð í flöskylduerindum í fyrramálið, laugardag.

Ég minnist þess þegar ég fékka að smakka selspikið frá Andara s.l. ár. Það var ljúft að bíta saman hvíta spikbitana, ýmist stökka eða löðrandi og þegar tennurnar sukku í flæddi olían út um munnvikin - hreinn unaður

Kveðja í þorrasmakkið.

PS: Aðalfundurinn var góður, félaginu er vel stýrt og allt gengur vel venju samkvæmt. Það sem gera þarf er yfirleitt vel af hendi leyst, enda mikið af færum félögum á ólíkustu sviðum. Ef fram koma ólík sjónarmið hefur það helst verið umfang og áherslur starfsins eins og eðilegt má teljast.

Ég kemst ekki á laugardaginn því að ég verð á selaveiðum.
Kem við á föstudagskvöldið og skil eftir eina dós af söltuðu selspiki. Það þyrfti síðan einhver að taka það að sér að skera bitana í þunnar sneiðar.

Sendi hér innihaldslýsinguna í gamni, þetta er auðvitað meinhollt og ekki nema 772 kaloríur í 100grömmum
www.fitbit.com/foods/Seal+Blubber/18760

Undirrituð óveðurskráka er róðrarstjóri næstkomandi laugardag en þegar þessi orð eru rituð er spáin þó með besta móti miðað við árstíma. Hæglætisvindur og hiti yfir frostmarki.

Þorrakóngur klúbbsins, Sveinn Axel, ætlar víst ekki að standa fyrir Þorraróðri í ár og því verða aðrir að reyna að bjarga málum í þetta sinn. Ef einhver er til í aðstoða mig við að töfra fram þorramat þá væri það vel þegið. Annars kaupi ég amk flatkökur og hangikjöt og harðfisk oþh. Andri kemur svo vonandi með súrsað selspik eða hvað sem það heitir...

Mæting 09:30 og sjósetning kl. 10:00. Aldrei að vita nema að Viðeyjarhringur verði fyrir valinu.

Sjáumst á sjó.
Klara.