Grótta - Fyrsta æfing - 7.3.(þrd.) kl.17.

Kemst ekki á Þriðjudag vegna vinnu.

kv. Þormar

Þá er komið að fyrsta æfingatímanum við Gróttu - þriðjudag 7.mars kl. 17.

Ölduspá er um 1 m, vindur SA 4-6 m/s og verður hálffallið út og hitastig um frostmark.

Dagskráin í þetta sinn er að róa um svæðið og kynnast aðstæðum.
Næst set ég svo upp tiltekin verkefni og æfingar - sem laga má að færni hvers og eins..

Við mælum með hjálmum og neopren lúffum/vettlingum og hettum og hlýjum undirfötum undir þurrgallann. Ekki er notalegt að skipta um föt þarna úti, þanng að snjallt væri að vera kominn í undirföt og eiga aðeins eftir að fara í gallann.

Þeir sem hafa lýst yfir áhuga eða þátttöku eru: Klara - Hörður - Þormar - Perla - Sveinn M - Óli - Bernhard - Indriði - Gummi S - Gunnar Svanberg og Kristinn. Vonum við að sjá þann hluta hópsins sem kemst vegna vinnu.

Það eru ekki allir sem vonast eftir verra veðri, en ég er allavega að bíða eftir meiri öldu

Miðað við öduspár magiseaweed.com og Vegagerðar (siglingasviðs) fer vestanalda vaxandi eftir helgina. Við stefnum því á æfingu á þriðjudag kl. 17 út við Gróttu á Seltjarnarnesi. Það er í lagi þótt einhver komist ekki á réttum tíma enda seinfarið í umferðinni. Við verðum skammt frá landi öðru hvoru megin við vitann.

Vetrarbúnaður hentar best þarna, vettlingar, hettur og hjálmar. Hjálmar vegna öryggis og vettlingar til að geta notað fingurna, krókloppin hönd á t.d. erfitt með að setja svuntuna á.

Guðni Páll verður mér til stuðnings - og allir eru velkomnir, reyndir sem lítt reyndir.

Kveðja - Gísli H F.

Efri mörkin fyrir 3ja stjörnu aðstæður hjá Bretanum eru vindur eða sjólag 3, sem er innan við 6 m/s og 2 ft alda og lendingar í 1 m öldu. Ég miða við einu vindstigi hærra (BF 4 <= 8 m/s) enda er Ísland vindasamt land.

Þeir sem taka þátt í þessum æfingatímum gera ekki mikið annað á sama tíma, þannig að ég leyfi mér að nota marga sömu tíma og Klúbburinn og merki á dagatalið hjá mér fjóra daga í viku, þriðjudag (kl.17), fimmtudag (17), laugardag (10) og sunnudag (16) alls 16 daga í mars. Svo verða aðeins notaðir dagar þegar aðstæður henta og ég læt vita með stuttum fyrirvara þegar vinda og ölduspá er komin. Svona námskeið miðast við 6 daga/skipti fyrir hvern og einn, þannig að vonandi náum við því, þó að sumir dagar henti ekki öllum.

Lesa má nánar um efnið í 'syllabus'-skjalinu neðst á síðunni: kajakskolinn.is/namskeid/efni/

Sá sem ætlar í próf ( ekki á dagskrá ennþá ) þarf m.a. að hafa farið í a.m.k. þrjár mismunandi ferðir (3 klst eða um 8nm / 15 km) og ein slík gæti verið róður um Geldinganes og út í Seltjörn.

Ég er til, svo framanlega sem ég er ekki að vinna.

Flott framtak Gísli. Alltaf gaman í öldum. Ég er til.

Ég hef áhuga!

Ég hefði áhuga á að vera með í þessu.

ég er til, hef verið að fara þarna þegar MSW hefur gefið upp góðar tölur, mæli með þessum link:

Grótta Ölduspá MSW

Ef dagsetningarnar hitta á, þá hefði ég mikið gagn af og þakklæti fyrir.

Meira en til í þetta.

Ég líka!

Já takk.

Kv. Þormar

Ég hef áhuga á að vera með í þessu

ég er með ef ég á heimangengt.