Klúbbferð í Purkey........taka 2

05 júl 2017 20:20 #1 by Larus
Ferðinni er aflýst sem klúbbferð,

lg

Please Innskráning or Create an account to join the conversation.

05 júl 2017 20:06 #2 by olafia
Ég slæst í hópinn. Hlakka mikið til .... og fararstjórarnir maður :)

Kveðja
Ólafía Aðalsteinsdóttir
S. 862-2863.

Please Innskráning or Create an account to join the conversation.

04 júl 2017 14:02 #3 by Hildur
Við hjónin mætum, innleggið frá Gunna seldi þetta :lol: og tökum undir með honum, "Þetta er spennandi, veðurspá góð, róðrarsvæðið æðislegt og fararstjórarnir maður ... ", en þá er spurningin, kemur Gunni?
Kveðja Hildur

Please Innskráning or Create an account to join the conversation.

04 júl 2017 11:04 #4 by Gunni
Þetta er spennandi, veðurspá góð, róðrarsvæðið æðislegt og fararstjórarnir maður ....

Please Innskráning or Create an account to join the conversation.

01 júl 2017 14:23 #5 by Larus
Til stendur að gera aðra atlögu að eyjaferð með prinsinum nýgifta Eyjólfi ef veður verður hagstætt.
Stefnum á föstudaginn næsta og tilhögun verður með svipuðu sniði og skipulagt var í fyrri ferð nema ekkert brúðkaup.

Lagt verður af stað frá Kvennhólsvogi á Fellströnd neðan við bæinn Hnúk
kl 17.00 föstudag 7 júlí
Því er æskilegt að mæta um 16.00 og pakka í bát og græja sig, eða fyrr ef fólk þarf meiri tíma,
endilega virða tímasetningar í ferðum Klúbbsins
Frá Reykjavik eru um 200km beygt inná veg 590 ca 10 km norðan við Búðardal.

Reikna má með um tveggja tíma róðri án landtöku út Purkey en róið er við land og eyjar og ef þörf er á er landtaka víða möguleg.

Á laugardag róum við norður fyrir Purkey og höfum svo flóðið með okkur suður á bóginn um strauminn Knarrarbrjót í Suðurstakk og Vesturstakk , jafnvel Hrappsey og skoðum okkur um áður en við róum til baka í Purkey. Tímasetningar miða við að straumar séu ekki harðir og vel viðráðanlegir.
Einnig má skoða að einhverjir sleppi fyrri hlutanum þe hringróðri um Purkey um straumasvæðið en komi þá seinna með með í hópinn beint í Stakkana, þann hluta sem strauma gætir minna.

Einnig má nýta daginn til skoðunar á eyjunni fótgangandi ef ekki er vilji til að róa,
eyjan er stór og víðferm og bíður uppá frábæra náttúruskoðun.
Hefð er fyrir sameiginlegu "borðhaldi" í Breiðafjarðarferðum klúbbsins á laugardegi þar sem hver eldar með sínum hætti en saman.



Sunnudagurinn verður svo nýttur til heimferðar etv með smá útúrdúr í Klakkeyjar sem eru hæstu eyjarnar á Breiðafirði og bjóða uppá frábært útsýni ef lögð er á sig smá fjallganga áður en stefnan verður tekin í land aftur.

Um 10 km róður er út í eyjuna frá bílunum, laugardagurinn gæti orðið 12-15 km og svipað á sunnudegi.

Í Purkey er fín aðstaða og nóg pláss til að tjalda.
Allt vatn skal hver þáttakandi taka meðferðis heimanfrá, reikna skal með 2-3 lítrum á hvern mann á sólarhring, 6 lítra kútur pr mann myndi nægja flestum.
Hægt verður að komast á snyrtingu i húsinu og jafnvel sturtu ef sjórinn er ekki meira freistandi.
Algjört skilyrði er að hver þáttakandi taki allt sitt sorp til baka sjálfur og að ekki liggi neitt eftir.

Kayak skal vera sjókayak með lokuðum vatnsþéttum hólfum að framan og aftan og traustum dekklínum allan hringinn, sjá má mjög hjálplegan texta um útbúnað í kayakferð á síðu klúbbsins sem hafa má til hliðsjónar athugið að ekki er gerð krafa um að allir hafi allann þann búnað meðferðis.


Ferð þessi er opin til þáttöku þeim félögum i Kayakklúbbnum sem standast kröfur klúbbsins um getu til að takast á við 3 ára ferð skv. skilgreiningum klúbbsins:

Ferðir þar sem þvera þarf firði eða róa um svæði þar sem langar vegalengdir eru milli landtökustaða.
Lágmarkskröfur um hæfni: Að þátttakendur hafi æft félagabjörgun, séu byrjaðir að tileinka sér rétta róðratækni, stuðningsáratök og geti róið 20 - 30 km á dag.


Skráning i ferðina skal gerast hér á korkinum i þessum þræði, gefa skal upp nöfn þáttakenda og simanúmer.

Róðrar og fararstjórar eru undirritaðir

Eyjólfur Jónsson
Lárus Guðmundsson. S. 8224340

Please Innskráning or Create an account to join the conversation.

Powered by Kunena Forum