Björgun í Álfsnesvík

ÞAÐ er algjört hneyksli að þarna eigi að setja niður þessa starfsemi. Sem betur fer lítur út fyrir að fornminjar tefji þessi áform og vonandi stöðvi þau ALVEG. Og við kayakfólk höfum einstaka sýn frá sjó hvað náttúruperlur eru mikils virði.

Viðhorf Sigtryggs hjá mbl sem skrifar greinina er leiðandi og lítilsvirðir andmælin. Hann segir málið snúast um : " - hvort grjót sem menn röðuðu upp á árunum 1300-1500 verði þess valdandi að hætt verið við framkvæmdir á 21 öldinni." Sama tóninn má finna í niðurlaginu.
Mér er ekki mest annt um þessi fiskbyrgi, heldur um náttúrna og lífríki fjöru og grunnsævis. Við Reykvíkingar erum búin að eyðileggja mest af strönd og fjörum okkar. Við kajakræðarar höfum róið inn Elliðaárvog fram hjá Björgun og höfnunum á hægri hönd og við höfum farið ótal oft um Þerneyjarsund. Finnið þið muninn? Hvar er æðarfuglinn í Elliðaárvogi? Hvar er allt fuglalífið og selurinn? Það er eins og borgin telji ströndina vera einskismanns land og hafi ekkert gildi nema sem byggingarland eða til að sturta í efni sem kemur upp úr húsgrunnum, LHS eða öðrum.
Það er ekki aðeins dýrmæt náttúra á hálendinu, hún er líka við "túnfótinn" okkar.

Er ekki kominn tími til að bjóða borgarstjórn og samverkamönnum í róður út frá Gnesi til að opna augu þeirra fyrir því hversu mikil náttúruperla þetta svæði er.

Mín tvö cent um málið

UEA