Félagsróður 4.nóv

Ég tók að mér róðurinn í forföllum Andra. Við rerum aðeins lengra, Þerneyjarsund og fyrir Geldinganes til baka. Þá gátum við horft á svæðið sem ætlunin er að flytja sarfsemi Björgunar á, en það í víkurnar landmegin við Þerneyjarsund. Það er spurning hvort við eigum ekki að senda inn athugasemd?

Við fórum yfir helstu þætti við tog og notkun toglínu á palli, hvernig best er að húkka í, hvernig hægt er að stytta línu, hvernig á að styðja annan sem er dreginn og fleira. Síðan gerðum við léttar æfingar í Veltuvík og aftur við skútupallinn á Þerneyjarsundi.

Notkun toglínu er dæmi um eitthvað sem ekki er nóg að lesa og tala um, það þarf að prófa og æfa á sjó og í mismunandi veðri og aðstæðum.

Ætlunin er að hafa aftur smá æfingu í næsta félagsróðri, það verður örugglega ekki eins, gæti t.d. verið að ná manni út úr vík milli kletta

Kveðja.

Undirritaður er róðrarstjóri laugardagsins en til viðbótar við hefðbundinn skemmtiróður ætlar Gísli að kenna notkun toglínu. Byrjum á pallinum kl 10 á 10-15min kynningu, tökum svo æfingar á sjó og Geldinganeshring í framhaldi.

Munum eftir toglínunum
Kv
Andri