Jákvæð kynning

Gott mál. Er ekki málið að demba sér í þetta? Ég skrifa umyrðalaust upp á svona ráðagerðir.

Klúbburinn okkar er með jákvæða kynningu (PR) á vorin þegar fólki er boðið og Gæslan fengin til að hífa einhvern um borð.
Önnur jákvæð kynning gæti verið að bjóða fólki í örstuttan róður frá sandfjörunni Gufunesi (með leyfi réttra aðila) út að Fjósaklettum, milli þeirra og til baka. Það er hægt í góðu vorveðri, með leiðsögn og öryggisgæslu.
Með því vinnum við áhuga fólks sem langar að prófa sportið og þau fá snertingu af náttúrinni þarna, sem erfitt er að veita innsýn í með einhverjum greinaskrifum. Það gæti líka verið sterkur leikur að bjóða borgarfulltrúum eða öðrum, sem taka skipulagsákvarðanir að róa milli Fjósakletta.

• Klúbburinn gæti fengið nýja félaga
• Kajakskólinn gæti fengið nemendur á byrjendanámskeið
• Náttúran gæti snert einhverja sem taka ákvarðanir.