Braggaróður 24112018

Sá myndir úr þessari Heimaeyjarferð og þetta leit mjög vel út. Væri mikið til í svona ferð einhverntíman.

Fyrst að Sveinn er byrjaður að nefna skemmtilegustu/fjölbreyttustu róðrarleið þá hendi ég inn mínum, verð að hafa þetta í tveim liðum:
Skemmtilegasta- Þverun Breiðafjarðar með Gísa HF frá Stykkishólmi að Brjánslæk með gistingu í Flatey, róið aðra leið og ferjan tekin til baka en Gísli hélt áfram og hætti ekki fyrr en hann hafði hringað Ísland Landtaka í Elliðaey, Stagley, Bjarnareyjum, Flatey og Hergilsey.
Fjölbreyttasta- Þórsmörk/Vestmanneyjar

Ég er sammála Águsti Inga, ég hefði verið til í að slást í för með þér þessa 21 km.
Skemmtilegt að lesa leiðarlýsinguna Gísli.
En við sjáum vonandi hringfara a næsta ári (Veiga)
Og varðandi plön næsta sumars, við nýja fólkið í sportinu víljum einmitt heyra af ferðum eins og á Hvítárvatn og Langasjó o.flr til að fá hugmyndir að ferð, t.d ef klúbbferð fellur niður og maður situr uppi með hellings nesti og fríhelgi :-D

Já og hafa eiginkonurnar með

Vel á minnst. Hvítárvatn. Það yrði nú gaman að rifja upp þann róður næsta sumar. Mér sýndist á myndum frá Sveini Muller sem fór held ég sl sumar þangað að jökulsporðurinn næði ekki lengur út í vatnið. Verðum að fara næsta sumar.

Mæl þú manna heilastur Ágúst Ingi og ég hefði aldrei lagt í þennan Hvítárvatnsróður i roki ef þú hefðir ekki verið til í að láta á það reyna.
Þetta með stuttan fyrirvara skýrist af því að við sem eigum íslenskar eiginkonur þurfum að semja og reifa málið og kanna vel að ekkert annað sé á dagskrá og það er oft ekki ljóst mörgum dögum áður

ég hef nú ekki hugsað mér að hringa skerið á sjókeip. hef samt farið nokkuð oft bæði réttsælis og rangsælis á vélknúnum stálskipum. Það er líka öruggarar, nema ef menn steyta á skerjum sem eru víða hér við land. þú þarft að hafa aðeins meiri aðdraganda að þessum ævintýrum Gísli. eins og þú ættir að vita manna best er maður manns gaman í svona ferðum.
kv
Ingi

Ég reri í morgun frá Bragganum dýra í Nauthólsvík yfir í Geldinganes og hitti hópinn eftir félagsróður við frágang. Hér er stutt róðraskýrsla í stikkorðum:

Nauthólsvík um kl. 9 - enginn á ferli, borgin hálfsofandi nema erlendir verkamenn að vinna við göngustíga og nýbyggingar - fullt tungl - stillt loft og sjór - róið eftir silfruðum geisla tungls á sjónum - meiri froða á yfirborði en eðlilegt er líklega mengun - enginn að rabba við og tel því 850 heil áratök frá Skildinganesi að golfvelli 4300m/850= 5 m/áratak - heyri skotveiði á sjónum utan við golfvöll - brim af undiröldu á skerjum og við Gróttu - ströndin í skuggamynd en ský roðna í austri af morgunsól - straumur útfalls finnst greinilega við Gróttutanga og sporða Akureyjar og Engeyjar - morgunsól rís blindandi skær en nennir varla upp fyrir fjallaskagann - fegurð skýja er mikil en borgin er dimm og olíudaunn frá henni - sólin blindar þannig að ég sé ekki hópinn sem situr í Viðey í kaffistoppi - skerin utan við Laugarnestanga sjást aðeins í skuggamynd - síðasti spölurinn er heimavöllur - mikil fjara en félagi Rad Dab kemur niður að sjávarmáli - gott að hitta félaga - heim í kaffi - heitur pottur í Breiðholtslaug - GÓÐUR DAGUR
PS: Skv. þessari mælingu eru það aðeins 4-500 þúsund heil áratök umhverfis landið - eftir hverju eruð þið að bíða?