Félagsróður 29. desember

Það er af óvenjulega miklu að taka í róðraskýrslu dagsins.
13 bátar á sjó og þrír ræðarar tóku sér áramótabað.

Fórum Geldinganeshring og það hvessti skyndilega þegar komið var við endan á nesinu.
Þar fór t.d. einn ræðari á hliðina og björgun gekk hægt vegna aðstæðna sem voru erfiðar, vindur, ölduhæð og hríðarkóf.

En allt bjargaðist þetta og úr varð hin skemmtilegasti róður.
Í hinum fullkomna heimi tækjum við endurmat á þennan róður (og róðrarstjórn) og lærðum af þessu.

En enn á ný sannaðist að góður félagi á sjó er ómetanlegur, takk fyrir hjálpina!

Góð áminning til okkar allra að taka okkur á í öryggismálum, vera með ljós og dráttarlínur, sérstaklega þeir vanari.

Takk fyrir mig.
Klara.

Ég ætla mér að mæta á morgun. Bý að vísu ekki í vesturbænum, en hlíðarnar eru ekki langt frá. Sendu póst á mig Ingi eða hringdu með meiri upplýsingum ef þú vilt að ég nái í viðkomandi. Kveðja Þorbergur

Er einhver að koma úr vesturbænum í þennan róður? Ef svo, þá er ræðari í Skerjafirði sem þyrfti far..
kv
Ágúst Ingi

Ég og mamma mætum!

Sú sem þetta ritar ætlar að leysa skipaðan róðrarstjóra af hólmi á morgun. Græjurnar eru rykfallnar og löngu orðið tímabært að koma sér á sjó. Það er spáð SV átt, gæti verið frá 6-10 m/s og hiti yfir frostmarki. Það verður líklega farin stuttur hringur, til dæmis Geldinganes, en ef aðstæður leyfa þá verður ferskum ræðurum boðið að lengja róðurinn.

Sjáumst á sjó.
Klara.