Það verður stórstreymt um helgina (6. og 7. apríl). Þá er gott að æfa róður út í straum og inn í lygnur (eddy) og finna hvernig er að velta og lenda á sundi þar. Sumir eru á leiðinni á kajakmót í Anglesey/Wales og þar er mest verið í straumþungum sjó og því gott að hita sig aðeins upp áður.
Við verðum komin undir Gullinbrú kl. 16 bæði á laugardag og sunnudag, en eftir rúma klst. róast allt aftur. Hægt er að róa frá Geldinganesi eða mæta í Bryggjuhverfi, hliðið út á flotbryggjur verður opnað tímanlega fyrir þá sem koma þangað. Best að vera hlýtt klæddur, sjór er enn kaldur.
Sjálfur ætla ég auk þess að taka nokkrar æfingar í Veltuvík dagana á undan, fer á sjó 16:30 á fid. og kl. 17 á föd. Mér finnst ekki gott að fara í sundlaugina, klórinn fer illa í hausinn á mér og þetta verða bara nokkrar veltur, klifur, vot innstunga og þannig sull og alltaf er hægt að gera fleira ef maður er ekki einn.
Kv - Gísli H. F.
