Gullmerki SÍL

Dagsetningin rétt hjá Gísla, þetta var á silglingaþingi SÍL tveim dögum eftir aðalfund Kayakklúbbsins. Ég fékk þann heiður að fá að næla merkinu í skyrtuna hans Gísla og þakka fyrir að hann var ekki í þurrbúningnum
Sjá nánar hér:
silsport.is/

Óska Gísla til hamingju með gullmerkið og ég veit að þetta eru alls engin skilaboð um að nú sé tími til að hætta eins og var hjá tengdaföður hans hjá Kassagerðinni. Það er gaman að því hvað SÍL fylgist vel með starfssemi Kayakklúbbsins og þar á bæ var tekið eftir hvað Gísli hefur gefið okkar sporti mikið í gengum tíðina, bæði með fræðslu og hvatningu. Ég held að þetta sé í annað sinn sem kayakmaður hlýtur gullmerki SÍL en Þorsteinn Guðmundsson fékk gullmerki 2006.

Annað markvert fyrir kayakfólk sem gerðist á þessu siglingaþingi er að Sigurjón Magnússon formaður Kayakklúbbsins var kosinn í stjórn SÍL en ólíkt því sem hefur verið hjá Kayakklúbbnum síðustu ár voru fleiri í framboði til stjórnar og formennsku en þeir sem hlutu kosningu. 

Kv,
Andri

Þetta var 23 febrúar skv. minni dagbók, á aðalfundi SÍL sem mér var boðið til. Skilja mátti að viðurkenningin tengist starfi að fræðslumálum.

Hefð er fyrir ýmsum viðurkenningum við starfslok eða þegar halla tekur undan fæti með aldur og heilsu. Ég minnist míns góða tengdaföður, þegar hann átti stórafmæli og fékk gullúr frá Kassagerðinni, þar sem hann hafði starfað árum saman. Það vakti mig til umhugsunar, að hann var ekki beint glaður, fremur sár og þóttist lesa milli línanna að þetta væru skilaboð um að nú væri kominn tími til að hætta.

Ég tek þessa viðurkenningu reyndar ekki of hátiðlega og er ekki alveg hættur.  Ég vona að kajakræðarar okkar bæti færni sína og þekkingu á "faginu" hvort sem það gerist í formlegu færni- og fræðslukerfi eða með einföldum leik, samstarfi og samkeppni.

Kveðja - Gísli H. F.

Til hamingju Gísli, ert vel að þessu komin og átt þessa nafnbót skilið.  

Gísli tók gullið. Toppmaður. Til hamingju.

Já, Gísli er svo sannarlega vel að þessu kominn.  Gaman að heyra og til hamingju Gísli !

Það er frábært. Til hamingju Gísli HF og þú ert vel að þessu kominn. Hefur unnið mikið og gott starf fyrir kayak sportið á Íslandi.
En mér finnst einkennilegt að þetta hafi ekki komið fram á síðu Kayakklubbsins fyrr.

kv Guðni Páll

Ég rakst á frétt um það að Gísli H. Friðgeirsson hafi verið sæmdur gullmerki Siglingasambands Íslands þann 10. apríl síðastliðinn. 

Ég hef ekki orðið vör við að þetta hafi komið fram á okkar vettvangi en tel rétt að vekja athygli á þessum heiðri sem Gísla er sýndur með þessu.

Til hamingju Gísli - vel gert!