Hálfmaraþon og tæknikeppni

Perfekt skil þá minn bíl e í Geldingarnesi, og er með 4 pláss tilbaka. Fyrir þá sem þurfa að sækja bílana sína.

já ég verð í Geldinganesi kl 0900 í fyrramálið með pláss fyrir einn. Ef einhver er á leiðinni með aukapláss endilega meldið i ykkur hér.

Hlakka heil ósköp að taka þátt í minni fyrstu kajakkeppni á Íslandi. Vantar hinsvegar far fyrir mig og Epic V10 útí Nauthólsvík í fyrramálið, er einhver til i að bjarga því fyrir horn ?
Kv Fylkir 

Það lítur út fyrir ágætis haustveður í fyrramálið. ASA 5ms og nokkuð hlýtt.

Vinningar sem verða dregnir út í lok keppninar verða sem hér segir:
Kvöldverður fyrir 2 í Gallery Fiskur í Nethyl.
Kvöldverður fyrir 2 í A. Hansen
6xGjafbréf frá Garmin
6xGjafabréf frá GG+
6xVeiðidót frá Veiðifélaganum í Nóatúni
Klipping fyrir einn í Skuggafalli við Fornubúðir í Hafnarfirði.

Semsagt eitthvað fyrir alla. 

Eins og staðan er núna þá lítur út fyrir að við munum halda okkur við upphaflega áætlun. Nokkrir eru búnir að lofa vinningum svo að það eru vinningar í boði. Til dæmis rómantískur kvöldverður á tveimur fínum veitingastöðum, gjafabréf frá verslunum sem við þekkjum vel osfrv. 
Það er of snemmt að upplýsa vinningana en það verið að vinna í þessu og hægt að auglýsa það á morgun. 
kv

Bjarni tímavörður nr1 þá er hægt að bóka góða tíma þó ekki væri annað. Fínt að hafa þig á kanntinum líka í grillinu.
kv

Vantar mann á klukku (er góður í pulsunum (líka að grilla þær)) ?

Keppt verður í eftirfarandi flokkum ef næg þátttaka verður:

Ferðabátar karlar
Ferðabátar konur
Keppnisbátar karlar
Keppnisbátar konur
Liðakeppni ferðabátar
Liðakeppni keppnisbátar

Lið geta verið tveggja manna og er þá skipt í Gróttu. 

Hlakka til að sjá ykkur á laugardaginn!

bara sem flesta í keppnina

Verður boðið uppá liðakeppni?...þ.e. að fólk skipti niður leiðinni t.d. á milli tveggja ræðara?

Nú er vika í hálfmaraþonið.

Veðurspá er góð. Við í keppnisnefnd erum að reikna með mörgum keppendum og mikilli keppni í öllum flokkum.

Til að fylgjast með spánni þá er Windy mjög nútímaleg og flott síða.(hægt að mæla vegalengd með því að hægrismella og sjá svo spánna á leggnum fyrir neðan kortið fyrir utan allskonar fídusa sem of langt er að telja upp hér.  www.windy.com/distance/boat/64.12,-21.93...00,64.111,-21.859,12

Veðurstofa Íslands er líka fín og svo er ölduspá vegagerðarinnar góð þegar nær dregur. 
Björgunarfélag Hafnarfjarðar verður með gæslu og pulsur með öllu nema hráum handa öllum.




kveðja,
Keppnisnefndin

Það er alltí lagi að melda sig hér en það verður byrjað að skrá keppendur og afhenda keppnisnúmeratreyjur uppúr kl 9 þann 21. Það stefnir strax í hörkukeppni sýnist mér.
kv

Mæti á mínu brimskíði

Hvar á að skrá sig ?

kv. 

Fylkir

Laugardaginn 21.september verður árlegt hálfmaraþon Kayakklúbbsins. Mæting er klukkan hálftíu í Nauthólsvík og ræst klukkan tíu. Fimm mínútna skyldustopp verður í Gróttu og endað svo í Geldinganesi þar sem verða grillaðar pylsur í boði klúbbsins. Allar hjálparhendur boðnar sérstaklega velkomnar s.s. tímatökufólk og ljósmyndarar og gaman væri ef einhver drónaeigandi tæki myndir af hópnum í upphafi og lok keppni. Þar sem hálfmaraþon er ekki maraþon heldur bara hálfmaraþon þá ættu allir sem eitthvað hafa róið í sumar að treysta sér í þessa keppni og ég tala nú ekki um hópinn sem er í Stykkishólmi í þessum skrifuðu orðum enda lýðnum ljóst að eina ástæða Symposium í hólminum er að fólk nái sem bestri æfingu fyrir hálfmaraþonið góða. Í fyrra fengu allir keppendur medalíur í hálfmaraþoninu svo ef þú lesandi góður ert forfallin medalíusafnari þá gæti hér verið tækifærið til að bæta einni við safnið. Við í keppnisnefnd minnum keppendur á að taka með vatnsflösku og nestisbita og hlökkum til að njóta dagsins með ykkur.

Seinni partinn í nóvember mun keppnisnefnd standa fyrir tæknikeppni í sundlauginni í samráði við sundlaugarnefnd ef næg þátttaka fæst. Keppt verður í nokkrum nauðsynlegum tækniæfingum, kúrekasjálfsbjörgun, veltu og wet-re-entry. Nú er lag að nýta vel sundlaugaæfingar haustsins til að brillera í tæknikeppninni í nóvember.  

Kveðjur frá keppnisnefnd (Ingi, María, Tobbi, Heiður og Helga)