Teigsskógur 21. og 22. júlí

Ég er búinn að semja smá pistil sem Morgunblaðið hefur áhuga á, kannski fyrir sunnudagsblaðið, og nú vantar nokkrar góðar myndir til að velja úr, sendið nokkrar þær bestu á mig á morgun á reynirghjalandspitali.is og svo allar myndir á heimanetfangið maresthjatv.is, við munum brenna allt á diska.<br><br>Post edited by: Reynir Tómas, at: 2007/07/26 22:49

Ég er búinn að semja smá pistil sem Morgunblaðið hefur áhuga á, kannski fyrir sunnudagsblaðið, og nú vantar nokkrar góðar myndir til að velja úr, sendið nokkrar þær bestu á mig á morgun á reynirghjalandspitali.is og svo allar myndir á heimanetfangið maresthjatv.is, við munum brenna allt á diska.

Já, þetta var afbragðs góð ferð. Veðrið lék við okkur, umhverfið sérlega skemmtilegt og ferðafélagar hinir ágætustu. Þakka Reyni fyrir góða skipulagningu.

Hvernig væri að reyna smala saman á einn disk öllum þeim myndum sem teknar voru. Sjálfur tók ég þó nokkrar.

Frábær ferð. Veður með eindæmum gott. 9 sjókayakræðara tóku þátt. <br><br>Post edited by: Sævar H., at: 2007/07/22 22:20

Veðrið ætlar að leika við okkur þarna á Þorskafjarðarsvæðinu á laugardag og sunnudag. Lygnt og þurrt. Núna að kvöldi fimmtudags er þarna, yfir Teigsskógi, hressileg rigning og einhver smávæta á morgun öðru hverju..síðan þornar upp og léttir til.

Teigsskógur tekur því á móti okkur með birkiilm í lofti og allt ryk á burt, þegar við róum inn Þorskafjörðinn.

Nú er bara að skella sér í góðan kayakróður á miðsumri.

Sjáumst.

ég þarf að vinna fyrir mér þessa helgi og næstu dagaog kemst ekki en ég óska ykkur góðrar ferðar og vona að sem flestir mæti.
anna maría

Veðurútlitið fyrir laugardag og frameftir öllum sunnudegi er gott, hlýtt, þurrt og vindlítið, sólarglennur gætu vel komið. Dálítið gæti rignt á föstudagskvöld á þá sem koma þá að Reykhólum. Sem sagt það stefnir í góða helgarferð. Ég kannaði málið s.l. helgi, var tvær og hálfa klst á löglegum hraða með tengivagn í Saurbæ við Gilsfjörð, þannig að 3 klst er það sem þarf á Reykhóla og svo dálitill spotti í viðbót út á Stað á Reykjanesi, auðvelt að komast úr Reykjavík á laugardeginum. Nokkrir eru þegar búnir að tilkynna sig og nú er bara um að gera að mæta á svæðið !

Þetta virkar spennandi. Teigsskógur ? nú er hann kominn í sviðsljósið aftur vegna hröðunar á vegaframkvæmdum.
Kannski síðasta tækifærið að sjá hann í frumútgáfu... eða að við getum lagt okkar til honum til verndar.
Því fleiri sem við verðum í kayakróðrinum því betra.

Ég stefni á að mæta á laugardag 21.júlí

21.-22.júlí, laugardag og sunnudag, er klúbbferð, öllum opin, í Teigsskóg, Þorskafjörð og að minni Djúpafjarðar og Gufufjarðar á Barðaströnd. Teigsskógur er gamall og óspilltur íslenskur skógur á norðurströnd utanverðs Þorskafjarðar, veit mót suðri og er gróðursæll í talsvert brattri hlíð sem skartar arnarvarpi efst en fjölbreyttum gróðri, birki og reynitrjám í hlíðunum allt niður í fjöru, þar sem víða eru fallegir klettar og tjaldað er á mjúku og þykku lyngi. Fyrri umhverfisráðherra veitti leyfi fyrir skoðun á vegalagningu gegnum skóginn miðjan, út nesin fyrir vestan skóginn með þverun tveggja fjarða, Gufu- og Djúpafjarðar í huga:ohmy: . Nú ætlar Vegagerðin að fara að mæla fyrir vegarstæðinu. Ásta Þorleifsdóttir og fleiri hafa látið sig málið varða opinberlega og bent á mun hagkvæmari leiðir til vegalagningar, sem ekki mundu spilla skógi, gróðri, fuglalífi og náttúru sem er einstök, en fáir þekkja. Það er kominn tími til að heimsækja svæðið og að við leggjum okkar af mörkum til að fá Teigsskóg alfriðaðan;) .
Förum frá Reykjavík vestur á Reykhóla í Reykhólasveit (ca. 200 km, 3-4 klst akstur, sennilega álíka langt frá Akureyri, en allnokkru styttra frá Ísafirði), annaðhvort á föstudagi 20.júli (gott tjaldstæði er á Reykhólum, hittumst þar þau sem koma þá) eða á laugardagsmorgni 21. júlí. Frá Reykhólum er ekið út nesið ca. 10 km að Stað á Reykjanesi, sem var kirkjustaður til 1957 með friðaðri kirkju. Þar búa þau Rebekka Eiríksdóttir og Kristján Ebenesarson í húsinu sem komið er að fyrst og þau vita af okkur og bjóða okkur velkomin til að róa frá Stað. Eldri bóndinn, Eiríkur Snæbjörnsson og kona hans, vita eflaust líka af okkur. Frá Stað er ekið til vesturs niður að sjó, ca. 1-2 km, að höfn sem notuð er m.a til samgangna út í Skáleyjar. Reiknið með 4 klst til að komast þetta frá Reykjavík á laugardagsmorgni (leggið af stað um kl. 09-10). Þarna er a.m.k. 4 metra munur á flóði og fjöru og mikið útfiri. Háflóð er um kl. 12 f.h. og háfjara kl. 18, en þá byrjar að flæða inn aftur. Straumur út Þorskafjarðarminnið og úr Djúpafirði getur verið nokkuð stríður. Frá höfninni á Stað, þar sem við söfnumst saman endanlega, verður lagt upp væntanlega á miðju útfalli kl. um 15-16, róið rólega inn með sunnanverðum Þorskafirði milli smáeyja og skerja, svo þverað yfir að minni Gufufjarðar og Djúpafjarðar þar sem heitir Grónes, fuglalíf skoðað og áð, svo farið inn að Hallsteinsnesi þegar fer að falla að, inn fyrir Grenitrésnes (ekkert grenitré þar sjáanlegt nú), inn Þorskafjörð í kvöldkyrrðinni og þegar er að koma háflóð um kl. 22-23 leggjum við að í Teigsskógi þar sem okkur lýst vel á og tjöldum. Við kveikjum ekki neinn eld því það er þurrt þarna sem annarsstaðar nú, en grillum í fjöru og njótum kvöldsins í góðu kompaníi. Næsta morgun er fjöruganga, - við förum um skóginn og klettasvæðin við ströndina. Förum svo á flóði kl. 11 yfir Þorskafjörð á Laugaland sunnan fjarðar (þar mun vera laug, takið sundföt og handklæði, ef hægt væri að nota hana) og svo dólum við út fjörðinn tilbaka að Staðarhöfn. Komin þangað um kl. 14-16 eða svo.
Við buðum nýjum umhverfisráðherra með, hana langaði en gat ekki komið af persónulegum ástæðum, en hún hefur áhuga á að kynnast kayakróðri. Takmarkið er að fá góðar myndir af náttúrunni og róðri og segja frá ferðinni, t.d. í Morgunblaðinu.
Ferðin hentar öllum með nokkra reynslu og er ekki erfið. Hafið með viðlegubúnað, nesti fyrir eftirmiðdag 21.7. og seinum kvöldverði með tilheyrandi góðum mat og drykk fyrir miðnæturvöku, rólegum morgunverði næsta dag og gott er að eiga eitthvað þegar í land er komið á sunnudeginum. Hafið vatnsbrúsa með (lækir eru ekki áberandi í skóginum). Ef veður verður hliðhollt getur þetta orðið eðalferð.
Hafið samband við mig, Reyni Tómas Geirsson, formann ferðanefndar, hér á korkinum, á marest@tv.is eða í s. 824 5444 eða 553 1238 og látið mig vita ef þið ætlið með og hvort þið farið vestur á föstudegi eða laugardegi. Auðvitað verður beðið veðurspár, en það má byrja nú þegar að spá í þetta. Nánari fregnir verða á korkinum og róðrarleið er sýnd á korti á Dagskránni.
Sérlega gaman væri að hitta Ísfirðinga eða aðra vestfirska þarna líka.


Post edited by: palli, at: 2007/07/11 09:45

Post edited by: Reynir Tómas, at: 2007/07/12 22:42<br><br>Post edited by: Reynir Tómas, at: 2007/07/18 06:57