Það er sundlaugaræfing á morgun, 24. október.
Við höfum laugina frá 16-18.
Eins og oft hefur komið fram, þá er þetta algerlega frábær aðstaða til þjálfunar. Ekki bara fyrir veltur, þó þær séu auðvitað mikið þarfaþing, heldur einnig allskonar annað dót.
- Edge-a eins mikið og hægt er, þangað til maður fer á hvolf - engin önnur leið til að finna hve langt maður kemst.
- Standa upp í bátnum.
- Setjast upp á bátinn að aftan og róa af stað - æfir jafnvægisskynið, og frábær leið til að æfa stuðningsáratök.
- Fylla bátinn af vatni til að gera hann óstöðugan.
- Og að lokum hinar sívinsælu sjálfbjarganir.
Undirritaður, sem á að hafa umsjón með æfingunni á morgun, er því miður upptekinn við skyldustörf, og kemst því ekki, en einhverjir reynsluboltar verða nú vafalaust á svæðinu samt sem áður.
Indriði
