Félagsróður 18/3 2023

Upphaflega var ætlunin að fara Grafarvoginn eða Viðey en vegna íshröngls á báðum svæðum var ákveðið að fara út í Lundey og hún hringuð rangsælis. 
14 bátar á sjó þegar mest var. Þrír tóku stuttu útgáfuna, formannshjónin tóku sóló og einn snéri til baka við norðurenda Geldinganess. Einn ræðari lét sér ekki nægja Lundey og bætti Þerney við en aðrir réru skv. plani.

Þessir röru: Þóra, Natalía, Ingi, Arnar, Martin, Marton, Hrefna, Valgeir, Guðrún, Sigrún, Logi, Þorbergur, Hörður og Perla
Hér eru myndir í boði Guðrúnar.

Ég er róðrarstjóri á morgun í fjarveru Sveins Elmars. Spáin segir, eintóm blíða, 2-3 m/s, norðan átt og snýst síðan í norðvestan átt. Hiti (eða kuldi) alveg um frostmark.
Tvær leiðir í boði; annað hvort verður róið að Grafarvoginum eða tekinn verður hefðbundin Viðeyjarhringur. Ekkert kaffistopp, nema þá helst í lok róðurs með „uppáhelltu“ Sensio kaffi fyrir þá sem vilja. Fjara kl. 10:16.Sjáumst hress á morgun.