Hvammsvíkurmaraþon

Hmmm - þú segir nokkuð. Þetta er komið í lag.

Þótt Guðmundur Breiðdal sé tveggjamanna maki, þá held ég það komi betur út fyrir hann að sameina stigin á einn stað, sem setur hann þar með í fimmta sæti með 95 stig samanlagt

Staðan í Íslandsmeistarakeppinni er komin inn á forsíðu. Ég held að ég sé búinn að sanka að mér öllum úrslitum úr einstökum keppnum núna og set þau inn núna um helgina. Það hafa engin úrslit birst á heimasíðunni nú í sumar sem er náttúrulega \"blátt áfram skammarlegt\" eins og Patti Broddgöltur sagði þegar amma mús flaug upp í loftið. Næsta sumar verður einhver aðili gerður ábyrgur fyrir því að öll úrslit fari jafnóðum inn á heimasíðuna en það vantaði greinilega í sumar. Batnandi mönnum er best að lifa ...

Ég á að sjálfsögðu við stöðu manna í keppni um Íslandsmeistaratitilinn.

Enn mun ég mæta í maraþonið og freista þess að komast í skyldustoppin áður en túnfisksamlokurnar klárast. En er nokkur séns á því að fá að sjá yfirlit yfir stöðu keppenda áður en flautað verður til leiks á laugardag?

Bara að minna menn á leiðina sem róin er.

Veðurspáin á sunnudaginn er skapleg ætlaði ég að segja (maður er nú ekki greindari en Guð gaf)
kv
Halldór Bj.

Jæja þá er komið að því. Ætli ég láti mig ekki hafa það að róa þetta eina ferðina enn þrátt fyrir háðulega útreið sem ég fékk í Bessastaðabikarnum um síðustu helgi. (Varð (lang)síðastur). Veðurspáin er hins vegar frekar svört fyrir laugardaginn en mun skaplegri á laugardaginn. Þetta gæti þó átt eftir að breytast.
Með kveðju
Halldor Björnsson

Hvammsvíkurmaraþon verður haldið enn og aftur næstkomandi laugardag þann 1 september. Ræst verður klukkan 10 stundvíslega frá aðstöðunni við Geldinganes og verður keppnisfyrirkomulag með hefðbundnu sniði. Það eru tvö 5 mínútna skyldustopp á leiðinni þar sem boðið er upp á einhverja hressingu. Fyrra skyldustopp er fyrir neðan svínabúið í Brautarholti og það seinna við vitann á Eyri. Keppt verður í karla og kvennaflokki og verða allir ræstir út samtímis. Einn eða tveir fylgdarbátar verða með hópnum, en menn verða þó að vera talsvert sjálfbjarga. Þáttökugjald er kr 1500 og verður fá menn afhent neyðarblys við skráningu. Skráning hefst kl 9 að morgni keppnisdags.

Kv. Pétur<br><br>Post edited by: steini, at: 2007/08/29 17:59