Tjöld

Veikindi hafa sett þessi plön í uppnám. Við Sæþór förum ekki í róður í kvöld.

Þetta þarf ekki að trufla fyrirætlanir annarra ef einhverjir hugðust mæta, tveir eða fleiri, en breytingin er sú að það hefur semsagt fækkað um okkur Sæþór.
Ö.

Ágætu félagar. Við Sæþór espuðum hvor annan upp í næturróður næstkomandi þriðjudagskvöld. Spáir nefnilega skrambi vel og ef tunglið nær að derra sig þá er það ekki verra. Fleiri félagar velkomnir að sjálfsöggðu.
Hæfilegt að mæta 19:30 í Geldinganesið. Spáum í þetta.

Tek einn leðurblökuróður Nauthólsvík í kvöld, mæti 19:30. Kem þessu hér með á framfæri ef fleiri eru á sömu buxunum.

Grunur minn reyndist réttur. Nú hefur eftirfarandi verið upplýst á vef Ísalp:

\"Fjallaleiðsögumenn munu vera með gommu af notuðum North Face VE-25 tjöld[um] til sölu. Prísinn [á] þeim verður frá 10.000 kr og fer eftir ástandi þeirra.\"

Ef einhverjir eru í leit að notuðum fyrsta flokks tjöldum við lágu verði, ættuð þið að athuga hvort ekki takist að krækja í eitthvað gott á basar Alpaklúbbsins fim 15. nóv. Ónefnd ferðaskrifstofa verður þar á staðnum með tjöld, mig grunar að þar sé átt við Íslenska fjallaleiðsögumenn og að þeir verði semsagt með North Face tjöld. Ýmsir kayakmenn hafa gert frábær kaup þegar þessi aðili efnir til útsölu á notuðum búnaði og því vildi ég tippa ykkur á þessu.
Staðsetning basarsins er Skútuvogi 1 G, þar sem Klifurhúsið er. Byrjar kl. 20 með myndasýningu og basarinn tekur við í framhaldinu.